«Bizdiń aramyzda eshqandaı túıtkil joq»: Qazaqstan Prezıdenti Túrkııaǵa resmı saparmen bardy

Qasym-Jomart Toqaevty Ankara qalasynyń «Esenboǵa» áýejaıynda Túrkııa Prezıdenti Rejep Taııp Erdoǵan qarsy aldy, dep habarlaıdy Qandastar.kz

Memleket basshysyn kútip alý úshin trap aldynda qurmet qaraýyly sap túzep turdy.

Áýejaıda eki el prezıdentteri az-kem áńgimelesti.

– Qonaqjaılyq tanytqanyńyzǵa kóp raqmet. Áýejaıǵa kelip, meni qarsy aldyńyz. Bul men úshin úlken qurmet. Bizdiń aramyzda eshqandaı túıtkil joq. Bizdi tek týystyq, yntymaqtastyq baılanystyrady. Erteń mańyzdy sapar bolady. Sapardyń baǵdarlamasy óte mazmundy. Ony tolyq iske asyramyz dep oılaımyn, – dedi Qasym-Jomart Toqaev.