ءبىزدىڭ رەجيسسەرسىماقتار تاريحي كينو تۇسىرەردە تۇرىكتەردەن ۇلگى السىن – ساۋلە ابىلداحانقىزى

فوتو: اشىق دەرەككوز

جۋرناليست ساۋلە ابىلداحانقىزى كينو سالاسىنداعى قىزمەت اتاتىن مامانداردى قاتاڭ سىنعا الدى. بۇل تۋرالى ول Facebook جەلىسىندەگى پاراقشاسىندا جازدى, — دەپ جازدى qandastar.kz

«ءبىزدىڭ كينو تۇسىرگىش رەجيسسەرسىماقتار (ولاردى كينوگەر, رەجيسسەر دەۋگە اۋىز بارمايدى) كينو تۇسىرەردە «ناقتى ماقسات نە?» دەگەن سۇراققا باس قاتىرمايدى. ولاردا كوبىنەسە جالعىز ماقسات — اقشا جاساۋ, اتاق ءالۋ…بىزدىڭ كينو تۇسىرگىشتەردە اقشا جاساۋدان باسقا تاعى ءبىر ماقسات — تاريحتى, ءومىردى, كەيىپكەرىن ءوزىنىڭ تاۋىقتىكىندەي ميى قالاي كورەدى, — حالىق ساناسىنا سولاي سىڭىرگىسى كەلەدى…

بۇگىنگى كينو تۇسىرگىشتەر قازاق تاريحىنا قاتىستى كينو تۇسىرگەندە تۇرىكتەردەن ۇلگى الۋى ءتيىس. يدەيا, ماقسات, تۇپكى ماقسات — ۇلتقا, مەملەكەتكە جۇمىس ىستەۋ ەكەنىن سولاردان ۇيرەنسىن. «گلوبالنىي زامىسەل» بولۋ كەرەك قوي… تۇرىكتەر قۇساپ تاريحىڭنىڭ جاقسىسىن اسىر, جامانىن جاسىر… بىزدىكىلەر, كەرىسىنشە, جاقسىسىن جاسىرادى, جامانىن اسىرادى, قازاقتا بولماعان بالەلەردى اكەپ جاپسىرادى… اۋەزدى, باي ءتىلىمىزدى دە, تەڭدەسسىز سالت-ءداستۇرىمىزدى دە, تاريحىمىزدى دا, ەتنوگرافيامىزدى دا ءنول قىلدى…

تاريحي كينو تۇسىرگىشتەرگە تۇرىكتىڭ تاريحي كينولارىنان ەمتيحان تاپسىرتۋ كەرەك. ال ءوزى تۇسىرەم دەگەن تاقىرىبىنان «بۇل كينونى تۇسىرگەندە ەلگە, ۇلتقا نە بەرەسىڭ?» دەگەن ماسەلەدە ءجۇز سۇراقتى قامتيتىن تەست تاپسىرتقىزۋ كەرەك…. ەمتيحان, تەستتەن وتە العان كينو تۇسىرگىشتەر, پاجالىستا, ءتۇسىرسىن. وعان اقشانى دا جاقسىلاپ ءبولىپ, سوسىن جاقسىلاپ ەسەپ تالاپ ەتسە, ارتىق بولمايدى…. كاسسا جيناسا, ءتىپتى, بولىنگەن قاراجاتتى مەملەكەتكە كەرى قايتارۋ جاعىن دا قاراستىرۋ كەرەك… سول اقشا كەلەسى تۋىندىنى تۇسىرۋگە جۇمسالادى…., – دەدى ول.

Skifnews.kz جازعانداي, جۋرناليست كينو ءتۇسىرۋ ءۇشىن اقشانى مەملەكەتتەن پايىزبەن الۋدى ۇسىندى.

ء«تىپتى, مەملەكەتتەن كينو تۇسىرۋگە قارجىنى 5%-دىق نەسيەگە بەرۋ كەرەك. زالوگقا ءۇيىن قويسىن, كولىگىن قويسىن ت.س.س. ءونىمىن حالىققا ساتىپ, قارجىنى مەملەكەتكە قايتارسىن… پايداسىن دا, زيانىن دا ءوزى كورسىن.

تاۋەلسىزدىكتىڭ وسى جىلدارىندا قازاق رەجيسسەرلەرى دەگەن جاقسى كينو تۇسىرە المادى? بىرىنشىدەن, ادەبي, تاريحي, كاسىبي ءبىلىمى جەتپەدى. كوپ تۋپويلار كينو ءتۇسىرىپ, اقشا جاساۋدى, اتاقتى, تانىمال بولۋدى ماقسات ەتتى…

ال ءبىلىمى جەتكەن بىرەن-ساران رەجيسسەر ءوز حالقىنان ءوزىن بيىك سانادى, ۇلتىن مەنسىنبەيتىن, ۇلتىندا بار جاقسى نارسەنى مانسۇقتايتىن تاكاپپار كەۋدەمسوق بولدى…», – دەپ جازدى جۋرناليست.