Bizdiń rejıssersymaqtar tarıhı kıno túsirerde túrikterden úlgi alsyn – Sáýle Ábildahanqyzy

Foto: ashyq derekkóz

Jýrnalıst Sáýle Ábildahanqyzy kıno salasyndaǵy qyzmet atatyn mamandardy qatań synǵa aldy. Bul týraly ol Facebook jelisindegi paraqshasynda jazdy, — dep jazdy qandastar.kz

«Bizdiń kıno túsirgish rejıssersymaqtar (olardy kınoger, rejısser deýge aýyz barmaıdy) kıno túsirerde «naqty maqsat ne?» degen suraqqa bas qatyrmaıdy. Olarda kóbinese jalǵyz maqsat — aqsha jasaý, ataq alý…Bizdiń kıno túsirgishterde aqsha jasaýdan basqa taǵy bir maqsat — tarıhty, ómirdi, keıipkerin óziniń taýyqtikindeı mıy qalaı kóredi, — halyq sanasyna solaı sińirgisi keledi…

Búgingi kıno túsirgishter qazaq tarıhyna qatysty kıno túsirgende túrikterden úlgi alýy tıis. Ideıa, maqsat, túpki maqsat — ultqa, memleketke jumys isteý ekenin solardan úırensin. «Globalnyı zamysel» bolý kerek qoı… Túrikter qusap tarıhyńnyń jaqsysyn asyr, jamanyn jasyr… Bizdikiler, kerisinshe, jaqsysyn jasyrady, jamanyn asyrady, qazaqta bolmaǵan bálelerdi ákep japsyrady… áýezdi, baı tilimizdi de, teńdessiz salt-dástúrimizdi de, tarıhymyzdy da, etnografııamyzdy da nól qyldy…

Tarıhı kıno túsirgishterge túriktiń tarıhı kınolarynan emtıhan tapsyrtý kerek. Al ózi túsirem degen taqyrybynan «bul kınony túsirgende elge, ultqa ne beresiń?» degen máselede júz suraqty qamtıtyn test tapsyrtqyzý kerek…. Emtıhan, testten óte alǵan kıno túsirgishter, pajalysta, túsirsin. Oǵan aqshany da jaqsylap bólip, sosyn jaqsylap esep talap etse, artyq bolmaıdy…. Kassa jınasa, tipti, bólingen qarajatty memleketke keri qaıtarý jaǵyn da qarastyrý kerek… sol aqsha kelesi týyndyny túsirýge jumsalady…., – dedi ol.

Skifnews.kz jazǵandaı, jýrnalıst kıno túsirý úshin aqshany memleketten paıyzben alýdy usyndy.

«Tipti, memleketten kıno túsirýge qarjyny 5%-dyq nesıege berý kerek. Zalogqa úıin qoısyn, kóligin qoısyn t.s.s. О́nimin halyqqa satyp, qarjyny memleketke qaıtarsyn… Paıdasyn da, zııanyn da ózi kórsin.

Táýelsizdiktiń osy jyldarynda qazaq rejısserleri degen jaqsy kıno túsire almady? Birinshiden, ádebı, tarıhı, kásibı bilimi jetpedi. Kóp týpoılar kıno túsirip, aqsha jasaýdy, ataqty, tanymal bolýdy maqsat etti…

Al bilimi jetken biren-saran rejısser óz halqynan ózin bıik sanady, ultyn mensinbeıtin, ultynda bar jaqsy nárseni mansuqtaıtyn tákáppar keýdemsoq boldy…», – dep jazdy jýrnalıst.