جاڭالىقتار
بىزگە قازاق مەكتەبى قاجەت ەمەس – سقو تۇرعىنى
فوتو: اشىق دەرەككوز
سولتۇستىك قازاقستان وبلىسى, تيميريازەۆ اۋدانى, دوكۋچاەۆ اۋلىنىڭ تۇرعىنى وزدەرىنە قازاق ءتىلدى مەكتەپتىڭ قاجەت ەمەس ەكەنىن ايتتى, دەپ حابارلايدى Ulysmedia.kz.
بۇل تۋرالى Facebook قولدانۋشىسى رۋسلان تۋسۋپبەكوۆ ءوز پاراقشاسىندا جاريالادى.
پاراقشاداعى ۆيدەودا دوكۋچاەۆ اۋلىنىڭ ەگدە جاستاعى ەكى تۇرعىنى اڭگىمە بارىسىندا اۋىلدىڭ قۇرىلعانىنا 70 جىل تولعانىن جانە مۇندا حالىققا بار جاعداي جاسالعانىن, جۇمىس ىستەيمىن دەگەن ادامعا جۇمىس تا تابىلاتىنىن ايتادى.
ال اۋىلداعى ورىس مەكتەبىندە قازاق سىنىبى جوق ەكەنى بەلگىلى بولدى.
ۆيدەو اۆتورىنىڭ “نەگە قازاق سىنىبىن اشپايدى?” دەگەن سۇراعىنا تۇرعىن “بۇل جاعداي ءبىزدى قاناعاتتاندىرادى” دەپ قازاق تىلگە دەگەن قاجەتتىلىك جوق ەكەنىن مەڭزەگەندەي بولدى. ويتكەنى مۇندا قازاقتار عانا ەمەس كوبىنە ارالاس ەتنوس وكىلدەرى تۇرادى ەكەن.
ال “اۋىل تۇرعىندارى “بىزگە قازاق مەكتەبى كەرەك دەپ نەگە شىقپايدى?” دەگەن سۇراققا تۇرعىن “جوق!” دەپ جاۋاپ قاتتى.
“نە ۋلىبايتەس, نە ناتراۆليۆايتە ناس. ورىس, قازاق, تاتار, نەمىس, چۋۆاش ءبارىمىز جاقسى تۇرامىز”, دەيدى دوكۋچاەۆ اۋىلىنىڭ تۇرعىنى.
پوست اۆتورى “نە ناتراۆليۆايتە دەپ قويادى مىنا اپامىز قازاق مەكتەبى نەگە جوق دەگەن سۇراققا. قاريالاردا ۇلتتىق نامىس بولماعان اسا قيىن ەكەن. جالپى, سولتۇستىك قازاقستاندا ۇلتتىق يدەولوگيا قالىپتاسپاعان سياقتى عوي ءالى, دەپ جازدى.
