Jańalyqtar
Bizge qazaq mektebi qajet emes – SQO turǵyny
Foto: ashyq derekkóz
Soltústik Qazaqstan oblysy, Tımırıazev aýdany, Dokýchaev aýlynyń turǵyny ózderine qazaq tildi mekteptiń qajet emes ekenin aıtty, dep habarlaıdy Ulysmedia.kz.
Bul týraly Facebook qoldanýshysy Rýslan Týsýpbekov óz paraqshasynda jarııalady.
Paraqshadaǵy vıdeoda Dokýchaev aýlynyń egde jastaǵy eki turǵyny áńgime barysynda aýyldyń qurylǵanyna 70 jyl tolǵanyn jáne munda halyqqa bar jaǵdaı jasalǵanyn, jumys isteımin degen adamǵa jumys ta tabylatynyn aıtady.
Al aýyldaǵy orys mektebinde qazaq synyby joq ekeni belgili boldy.
Vıdeo avtorynyń “Nege qazaq synybyn ashpaıdy?” degen suraǵyna turǵyn “Bul jaǵdaı bizdi qanaǵattandyrady” dep qazaq tilge degen qajettilik joq ekenin meńzegendeı boldy. О́ıtkeni munda qazaqtar ǵana emes kóbine aralas etnos ókilderi turady eken.
Al “Aýyl turǵyndary “Bizge qazaq mektebi kerek dep nege shyqpaıdy?” degen suraqqa turǵyn “Joq!” dep jaýap qatty.
“Ne ýlybaıtes, ne natravlıvaıte nas. Orys, qazaq, tatar, nemis, chývash bárimiz jaqsy turamyz”, deıdi Dokýchaev aýylynyń turǵyny.
Post avtory “NE NATRAVLIVAITE dep qoıady myna apamyz qazaq mektebi nege joq degen suraqqa. Qarııalarda ulttyq namys bolmaǵan asa qıyn eken. Jalpy, Soltústik Qazaqstanda ulttyq ıdeologııa qalyptaspaǵan sııaqty ǵoı áli, dep jazdy.
