«Bizge temeki satpady»: ekinshi kýáger qyz sotta ne bolǵanyn aıtyp berdi

Talǵarda 16 jastaǵy Sherzat Bolattyń qaza bolýyna qatysty is boıynsha sot proesi jalǵasyp jatyr. Búgin sotta ekinshi kýáger – Dana Jaqsygeldi jaýap berdi, dep habarlaıdy  qandastar.kz   Skifnews.kz aqparat portalyna silteme jasap. 

Kýágerdiń aıtýynsha, sol túni olardy Ravıl esimdi tanystary «Eıforııa» kafesine shaqyrǵan. Onymen birge Elmıra Nurbekova da kelgen.

«Saǵat túngi on ekige taıaý úıge qaıtqymyz keldi. Nurqııas kólikpen jetkizip tastaıtynyn aıtty. Jolda «Qamajaı» dúkenine toqtadyq. Temeki kerek edi, biraq bizge satpady. Sol sátte syrtqa shyqsaq, dúkenniń aldynda birden urys bastalyp ketti», — dedi Dana Jaqsygeldi.

Onyń sózinshe, kıkiljiń kezinde boıy uzyn, saqaldy bir jigit aldymen aspanǵa, artynsha jastar tobyna qaraı eki ret oq atqan.

«Qatty qoryqtym. Myltyqtyń daýysyn estigende ómirim úshin qorqyp kettim. Sol sátte kólikke otyryp, ketip qaldym. Polıııa shaqyrý degen oı bolǵan joq», — deıdi ol.

Aıta keteıik, qaıǵyly oqıǵa byltyr qazan aıynda Talǵar qalasynda tirkeldi. Tóbelesten keıin Sherzat Bolat kóz jumdy. Arada kóp ótpeı, marqumnyń otbasy turatyn úı órtke oranyp, polıııa «bótenniń múlkin qasaqana joıý» babymen qylmystyq is qozǵaǵan bolatyn.