بيزنەس تاراپىنان جەدەل مەديتسينالىق كومەك كورسەتۋگە قىزىعۋشىلىق جوق – مينيستر

بۇل تۋرالى ءماجىلىس دەپۋتاتتارىنىڭ ساۋالىنا دەنساۋلىق ساقتاۋ ءمينيسترى اقمارال ءالنازاروۆانىڭ جاۋابىندا ايتىلعان, دەپ حابارلايدى  qandastar.kz  inbusiness.kz سايتىنا سىلتەمە جاساپ.

«ەلىمىزدە شۇعىل مەديتسينالىق كومەك كورسەتەتىن بىرقاتار جەكە مەديتسينالىق ۇيىم بار. ولار جەدەلدىلىك ساناتتارى بويىنشا شاقىرتۋدى اجىراتپايدى. ياعني, بۇل – دارىگەردى اقىلى نەگىزدە ۇيگە شاقىرۋ قىزمەتى. سونىمەن قاتار جەدەل مەديتسينالىق كومەك كورسەتۋ – مەملەكەتتىڭ كەپىلى, ەلىمىزدىڭ ازاماتتارىنىڭ دەنساۋلىعى مەن ءومىرىن ساقتاۋعا كونستيتۋتسيالىق قۇقىقتارىن قامتاماسىز ەتۋ. ال بيزنەس تاراپىنان جەدەل مەديتسينالىق كومەك كورسەتۋگە قىزىعۋشىلىق جوق», – دەدى مينيستر جاۋابىندا.

ءمينيستردىڭ ايتۋىنشا, ەلىمىزدە جەدەل مەديتسينالىق كومەكتىڭ بارلىق شاقىرتۋلارى 4-جەدەلدىلىك ساناتىنا بولىنەدى. مۇندا 1-سانات ومىرگە تىكەلەي قاتەر توندىرەتىن جانە شۇعىل مەديتسينالىق كومەك كورسەتۋدى تالاپ ەتەدى – 10 مينۋت, 2-سانات (مەديتسينالىق كومەكتى تالاپ ەتەتىن, ومىرگە الەۋەتتى قاۋىپ توندىرەتىن توندىرەتىن) – 15 مينۋت, 3-سانات (مەديتسينالىق كومەكتى تالاپ ەتەتىن, دەنساۋلىققا الەۋەتتى قاۋىپ توندىرەتىن) – 30 مينۋت, 4-سانات ء(جىتى اۋرۋدان نەمەسە سوزىلمالى اۋرۋدىڭ ورشۋىنەن تۋىنداعان, اعزالار مەن جۇيەلەردىڭ كەنەتتەن جانە ايقىن بۇزىلۋلارىنسىز, ناۋقاستىڭ ءومىرى مەن دەنساۋلىعىنا تىكەلەي قاۋىپ قاتەر توندىرمەيتىن پاتسيەنتتىڭ جاي-كۇيى) – 60 مينۋت.