جاڭالىقتار
«بيزنەسكە قىسىم جاساۋ جانە تارتىپ الۋ ەسكى قازاقستان وكىلدەرىنىڭ نەگىزگى ءادىسى بولدى»
«ادىلدىك جولى» رەسپۋبليكالىق قوعامدىق بىرلەستىگى جۇمىسىنداعى باسىمدىعىن وزگەرتەدى. بۇل تۋرالى ۇيىمنىڭ اتقارۋشى ديرەكتورى ديدار سماعۇلوۆ ايتتى, – دەپ حابارلايدى qandastar.kz. Aikyn.kz.-كە سىلتەمە جاساپ.
ونىڭ ايتۋىنشا, 3 جىل ىشىندە ۇيىمعا ەلىمىزدىڭ بارلىق وڭىرىنەن شەنەۋنىكتەردىڭ قىزمەتىن اسىرا پايدالانۋ مەن ءتۇرلى بۇزۋشىلىقتار تۋرالى ازاماتتار مەن كاسىپكەرلەردەن 9000-عا جۋىق شاعىم تۇسكەن. ونىڭ ىشىندە قۇقىق قورعاۋ ورگاندارىنىڭ كومەگىمەن بيزنەستى زاڭسىز قۋدالاۋعا اكەلگەن جايتتار بولعانىن اتاپ ءوتتى.
اتالعان ۇيىم 2019 جىلى قازاقستان پرەزيدەنتىنىڭ سايلاۋالدى باعدارلاماسىن قولداۋ ماقساتىندا قۇرىلعان بولاتىن.
«ونىڭ ادىلدىك دەپ اتالاتىن ەكىنشى باعىتى سىبايلاس جەمقورلىققا قارسى ءىس-قيمىل جانە زاڭ ۇستەمدىگىن قالىپتاستىرۋ جونىندەگى شارالار كەشەنىن كوزدەدى. ءبىر جىل بۇرىن مەملەكەت باسشىسى بۇل ماسەلەگە تاعى دا نازار اۋدارىپ, انتيكور باسشىلىعىمەن وتكەن كەڭەستە حالىقتىڭ ادىلدىككە دەگەن سەنىمى جوعالا باستاعانىن, سوندىقتان ونىڭ العاشقى سايلاۋالدى ۋادەلەرىنىڭ ءبىرى سىبايلاس جەمقورلىققا قارسى كۇرەس ەكەنىن اتاپ ءوتتى», – دەدى ديدار سماعۇلوۆ ءوزىنىڭ ۇندەۋىندە.
ونىڭ ايتۋىنشا, 3 جىل ىشىندە ۇيىمعا ەلىمىزدىڭ بارلىق وڭىرىنەن شەنەۋنىكتەردىڭ قىزمەتىن اسىرا پايدالانۋ مەن ءتۇرلى بۇزۋشىلىقتار تۋرالى ازاماتتار مەن كاسىپكەرلەردەن 9000-عا جۋىق شاعىم تۇسكەن. ونىڭ ىشىندە قۇقىق قورعاۋ ورگاندارىنىڭ كومەگىمەن بيزنەستى زاڭسىز قۋدالاۋعا اكەلگەن جايتتار بولعانىن اتاپ ءوتتى.
«كۇشتىك قۇرىلىمدار قورقىتقان تابىستى بيزنەس تەك ءوز قىزمەتىن توقتاتىپ, قازىنانى سالىقپەن تولىقتىرۋىن توقتاتىپ جاتقان جوق. مۇنىڭ سالدارى مىڭداعان ادامنىڭ جۇمىسىنان ايىرىلۋىنا اكەلەدى. بۇل كوپتەگەن وتباسى ءۇشىن جالعىز تابىس كوزى بولاتىن. سوندىقتان جايلى ينۆەستيتسيالىق كليمات تۋرالى ايتۋدىڭ ءوزى ارتىق, – دەدى ول.
ونىڭ سوزىنشە, كۇشتىك قۇرىلىمداردىڭ قىزمەتكەرلەرى رەيدەرلىكپەن اينالىساتىن جاعدايلار كەزدەسەدى. بۇعان ۇيىمعا جۇگىنگەن ازاماتتاردىڭ شاعىمدارى دالەل بولا الاتىنىن اتاپ ءوتتى.
«سىرت كوزگە باسقاشا بولىپ كورىنگەنىمەن, شىن مانىندە كۇشتىك قۇرىلىمداردىڭ قىزمەتكەرلەرى باسەكەلەس كاسىپكەرلەردىڭ قارىزدارىن قايتارىپ, ولاردى تەمىر تورعا توعىتۋمەن اينالىساتىن كوللەكتورلارعا نەمەسە رەيدەرلەرگە اينالىپ بارادى. بۇگىندە بىزدە مۇنداي وتىنىشتەر مەن شاعىمدار تولىپ جاتىر. قوعامدا بيزنەسكە قىسىم جاساۋ جانە بيزنەستى تارتىپ الۋ قۇرالى ەسكى قازاقستاننىڭ «تالانتتى» جانە «وتە تابىستى» وكىلدەرىنىڭ جۇمىسىنىڭ نەگىزگى ءادىسى بولعانىن ءبارى جاقسى بىلەدى جانە تۇسىنەدى», – دەپ تولىقتىردى ءسوزىن.
وتاندىق كاسىپكەرلەردىڭ ەلگە ينۆەستيتسيالار مەن جاڭا تەحنولوگيالاردى تارتىپ, جاڭا جۇمىس ورىندارىن قۇراتىنىن جانە ەل بيۋدجەتىن تولىقتىراتىنىن بىلەمىز. سونىڭ ارقاسىندا مەملەكەت حالىق الدىنداعى ءوزىنىڭ الەۋمەتتىك مىندەتتەمەلەرىن ورىنداي الادى. وسى ورايدا پرەزيدەنتكە كىم كومەكتەسىپ, قولداۋ كورەسەتەدى? البەتتە, ءبىز. سوندىقتان ءبىز «ادىلدىك جولى» رقب-نىڭ نەگىزگى رەسۋرستارىن وسى باعىت – بيزنەستى قورعاۋداعى زاڭ مەن تارتىپكە سالاتىن بولادى», – دەدى ديدار سماعۇلوۆ.
سونداي-اق ول ۇندەۋىندە بارشا قازاقستاندىقتاردى بيزنەستى قورعاپ, ادىلەتتى قازاقستاندى بىرگە قۇرۋعا شاقىردى.
حالىقتىڭ ءوتىنىشىن قابىلداۋ ءۇشىن ارنايى Zan&Tartip@adildik.kz ەلەكتروندىق پوشتاسى ىسكە قوسىلدى.
