BQO-da áıelimen janjaldasqan er adam eki polıeıdi pyshaqtaǵan

Foto: Polisia.kz

IIM polıııaǵa qarsylyq kórsetip, baǵynbaý áreketteri úshin jaýapkershilik qarastyrylǵanyn eske salady, dep jazdy qandastar.kz

«2024 jyldyń qorytyndysyna sáıkes osyndaı 271 derek tirkeldi. Onyń 127-si mas kúıde, 87-si buryn sottalǵandarmen jáne 19-y adamdar tobymen jasalǵan», — dedi IIM ózindik qaýipsizdik departamenti bastyǵynyń orynbasary Altynbek Shúıinshalıev.

Polıııa qyzmetkerlerine qarsy kúsh qoldanyp, zańsyz áreket jasaǵany úshin 225 azamat sottalǵan. Mysaly, Batys Qazaqstan oblysy Terekti aýdanynyń turǵyny bes jylǵa bas bostandyǵynan aıyryldy. Jubaıymen janjaldasqan er adam eki ýchaskelik polıııa ınspektoryna pyshaq ala júgirip, olardy jaraqattaǵan.

Aqtóbe oblysynyń Qandyaǵash stanııasynda da osyndaı jaǵdaı boldy.

«Astana – Atyraý» baǵytyndaǵy poıyz jolaýshysy ishimdik iship, patrýldik qyzmet ınspektorlaryna fızıkalyq qarsylyq kórsetken. Densaýlyqqa zııan keltirgeni úshin er adam tórt jylǵa bas bostandyǵynan aıyryldy.

«Polıııa azamattardyń ómirin, densaýlyǵyn, quqyqtaryn, bostandyqtaryn jáne qoǵamnyń zańdy múddelerin qorǵaýdy qamtamasyz etedi. Quqyqtyq normalardy saqtamaı, ádiletti Qazaqstan qurý múmkin emes. Azamattardy zańdy saqtaýǵa, bılik ókilderine baǵynbaý jáne olardy qorlaý faktilerine jol bermeýge shaqyramyz. Mundaı áreketter úshin ákimshilik jáne qylmystyq jaýapkershilik kózdelgenin eske salamyz», — dedi Altynbek Shúıinshalıev.