بقو-دا اۋىزسۋ ساپاسى تەكسەرىلىپ جاتىر

باتىس قازاقستان وبلىسىندا 14 اۋىلداعى سۋ ۇڭعىماسى قارعىن سۋدىڭ استىندا قالعان ەدى. ونىڭ 9-ى – جەراستى ۇڭعىماسى. قازىر بۇل اۋىلداردا اۋىزسۋ ساپاسى تەكسەرىلىپ جاتىر.

سۋ تاراتۋ نىساندارىن زارارسىزداندىرۋ جۇمىستارى ءجۇرىپ جاتىر. جالپى سوڭعى ءبىر ايدا سۋمەن جابدىقتاۋ جۇيەسىنەن ميكروبيولوگيالىق زەرتتەۋگە الىنعان 749 سىنامانىڭ 33-ءى ءتيىستى تالاپقا ساي بولماي شىقتى. سانيتارلىق-حيميالىق زەرتتەۋگە الىنعان 700 دەن استام سىنامانىڭ 41-ىنەن سايكەسسىزدىك انىقتالدى. ياعني, اۋىزسۋ لاي جانە اششى بولعان.

جۇقپالى اۋرۋلار تاراماس ءۇشىن سۋ ساپاسى قاتاڭ باقىلاۋدا بولادى, – دەيدى ماماندار. مۇقامعالي ارىسپاەۆ, سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى: – بارلىعىن قايتادان جۋىپ, دەزينفەكتسيالاپ, تازالاپ, سوسىن كەيىن بارىپ تاعى ەكى مارتە سۋدىڭ سىناماسىن زەرتتەپ, ەگەر زەرتتەگەسىن ناتيجەسى جاقسى بولسا عانا رۇقسات ەتەمىز سۋدى پايدالانۋعا. مىسالى, كازتالوۆ اۋدانى ورتالىعىن. كازتالوۆ اۋىلى – سۋعا كەتكەن اۋىل.

اۋىزسۋدى توقتاتتىق. وعان تاسىمالداپ اكەلىپ جاتىر. قاسىندا ءاجىباي دەگەن اۋىل بار. وندا دا سۋعا كەتكەن. بۇگىن سول ەكى ەلدى مەكەندە دەزينفەكتسيا ءجۇرىپ جاتىر.