بقو-دا ماس كۇيىندە كوزگە تۇسكەن پروكۋرور قىزمەتىنەن بوساتىلدى

فوتو: سكرينشوت

باتىس قازاقستان وبلىسى پروكۋرورىنىڭ ورىنباسارى ازامات ساتباەۆ قىزمەتتىك تەكسەرۋدىڭ قورىتىندىسى شىققانىن حابارلادى, دەپ حابارلادى qandastar.kz سايتى umarovnews.kz-كە سىلتەمە جاساپ.

ۆيدەو پايدا بولعاننان كەيىن ابىلاي بيسقاليەۆ مەديتسينالىق تەكسەرۋدەن ءوتىپ, ونىڭ ماس ەمەس ەكەنى انىقتالعان

«فوتو مەن ۆيدەونىڭ تۇسىرىلگەن كۇنىن ناقتى انىقتاۋ مۇمكىن بولمادى. ۆيدەو تالقىعا ءتۇسىپ كەتتى. ادەپ كودەكسىنە سايكەس, پروكۋراتۋرا قىزمەتكەرلەرى قوعام مەن مەملەكەتتىڭ الدىنداعى جاۋاپكەرشىلىكتى ءتۇسىنىپ, مەملەكەتتىك بيلىكتىڭ بەدەلىن ءتۇسىرىپ, مەملەكەتتىك ينستيتۋتتارعا دەگەن سەنىمىنە كەرى ىقپال ەتىپ, تەرىس قوعامدىق پىكىر تۋدىراتىن ارەكەتتەرگە جول بەرمەۋگە ءتيىس», – دەپ اتاپ ءوتتى بقو پروكۋراتۋراسى.

انىقتالعانداي, 15 تامىزدا جۇرگىزىلگەن قىزمەتتىك تەكسەرىس قورىتىندىسى جانە وبلىستىق پروكۋراتۋرانىڭ تارتىپتىك كوميسسياسىنىڭ ۇسىنىسى نەگىزىندە ابىلاي بيسقاليەۆ قىزمەتتىك تالاپتاردى تولىق ورىنداماعانى ءۇشىن ەسكەرتۋ تۇرىندەگى تارتىپتىك جاۋاپكەرشىلىككە تارتىلعان.

«مەملەكەتتىك قىزمەتكەرلەردىڭ مورالدىق-ەتيكالىق مىنەز-قۇلقىنا قويىلاتىن جوعارى تالاپتاردى تۇسىنگەن بيسقاليەۆ ءوز ەركىمەن قىزمەتىنەن بوساتۋدى سۇرادى. 20 تامىزدا ول باتىس قازاقستان وبلىسىنىڭ مامانداندىرىلعان تابيعات قورعاۋ پروكۋرورى قىزمەتىنەن بوساتىلدى», – دەلىنگەن رەسمي جاۋاپتا.

ەسكە سالا كەتەيىك, 12 تامىزدا ورالدا الەۋمەتتىك جەلىدە باتىس قازاقستان وبلىسىنىڭ تابيعات قورعاۋ پروكۋرورى ابىلاي بيسقاليەۆتىڭ ۆيدەوسى تاراعان بولاتىن. كادرلاردا تاپا-تال تۇستە قاتتى ماس كۇيدە كوپقاباتتى ءۇيدىڭ ارتىندا تۇرىپ, سەلت ەتە تۇسكەن ەر ادام كورىنەدى. ۆيدەو قىزمەتتىك تەرگەۋگە سەبەپ بولدى.