BQO-da mas kúıinde kózge túsken prokýror qyzmetinen bosatyldy

Foto: skrınshot

Batys Qazaqstan oblysy prokýrorynyń orynbasary Azamat Sátbaev qyzmettik tekserýdiń qorytyndysy shyqqanyn habarlady, dep habarlady qandastar.kz saıty umarovnews.kz-ke silteme jasap.

Vıdeo paıda bolǵannan keıin Abylaı Bısqalıev medıınalyq tekserýden ótip, onyń mas emes ekeni anyqtalǵan

«Foto men vıdeonyń túsirilgen kúnin naqty anyqtaý múmkin bolmady. Vıdeo talqyǵa túsip ketti. Ádep kodeksine sáıkes, prokýratýra qyzmetkerleri qoǵam men memlekettiń aldyndaǵy jaýapkershilikti túsinip, memlekettik bıliktiń bedelin túsirip, memlekettik ınstıtýttarǵa degen senimine keri yqpal etip, teris qoǵamdyq pikir týdyratyn áreketterge jol bermeýge tıis», – dep atap ótti BQO prokýratýrasy.

Anyqtalǵandaı, 15 tamyzda júrgizilgen qyzmettik tekseris qorytyndysy jáne oblystyq prokýratýranyń tártiptik komıssııasynyń usynysy negizinde Abylaı Bısqalıev qyzmettik talaptardy tolyq oryndamaǵany úshin eskertý túrindegi tártiptik jaýapkershilikke tartylǵan.

«Memlekettik qyzmetkerlerdiń moraldyq-etıkalyq minez-qulqyna qoıylatyn joǵary talaptardy túsingen Bısqalıev óz erkimen qyzmetinen bosatýdy surady. 20 tamyzda ol Batys Qazaqstan oblysynyń mamandandyrylǵan tabıǵat qorǵaý prokýrory qyzmetinen bosatyldy», – delingen resmı jaýapta.

Eske sala keteıik, 12 tamyzda Oralda áleýmettik jelide Batys Qazaqstan oblysynyń tabıǵat qorǵaý prokýrory Abylaı Bısqalıevtiń vıdeosy taraǵan bolatyn. Kadrlarda tapa-tal túste qatty mas kúıde kópqabatty úıdiń artynda turyp, selt ete túsken er adam kórinedi. Vıdeo qyzmettik tergeýge sebep boldy.