BQO-da nesıe tóleýge barǵan áıel ózin «óliler» tiziminen tapqan

Foto: Vıdeodan skrınshot

Nesıesin ótemek bolǵan Batys Qazaqstan oblysynyń turǵyny óziniń «óliler» sanatynda ekenin anyqtady, dep habarlaıdy Qaz365.kz tilshisi «Moı gorod» basylymyna silteme jasap.

Jańaqala aýyly turǵynynyń oqıǵasyn baıandaıtyn beınejazba jergilikti blogerdiń paraqshasynda jarııalandy.

Áıeldiń sózinshe, ol aı saıynǵy nesıesin ótep júrgen, biraq keıinnen aqsha oǵan qaıtyp kelgen.

«Men bul aqshany qaıtadan aýdaryp jiberdim, biraq qarajat shotymnan alynbady. Operatorlarǵa júgindim, olar maǵan «siz 4 shilde kúni Astanadaǵy aýrýhanada qaıtys boldyńyz dep shyǵyp tur» dedi. Maǵan AHAJ-ǵa, salyq basqarmasyna, HQKO-ǵa barý kerektigi aıtyldy. Qazir osy máselemen aınalysyp jatyrmyn. Jalaqy aldym, «Kaspı» shottary ashyq, aýrýhanaǵa dári-dármek alý úshin bardym, olardyń bazasynda da qaıtys bolǵanym týraly shyǵyp tur. Alaıda ol jerdiń qyzmetkerleri maǵan kómekke kelip, maǵan dári jazyp berdi, sebebi men qan qysymy boıynsha esepte turmyn. Jaqynda zeınetkerlikke shyǵamyn, jınaqtarmen ne isteıtinimdi, nesıe ne bolatynyn, ósimpul salynbaı ma dep alańdaımyn», – dedi BQO turǵyny.

«Azamattarǵa arnalǵan úkimet» memlekettik korporaııasy» KEAQ osy jaǵdaıǵa qatysty túsinik berdi.

«4 shilde kúni Astananyń medıınalyq mekemesinde bir áıel kóz jumdy. Medıınalyq uıymnyń qyzmetkerleri derekterdi bazaǵa engizgen kezde JSN-nyń bir sanynda qatelesip ketken. Bazaǵa BQO turǵynynyń derekteri jazyldy. Tıisti medıınalyq uıym bazadaǵy derekterdi túzetýi tıis», – dedi HQKO.