BQO-da turǵyn úı qurylysy qarqyn aldy

Batys Qazaqstan oblysynyń Syrym aýdanynda О́leńti jáne Buldyrty ózenderiniń tasýynan 3 aýyldy sý basyp, 243 úıge sý kirgen edi.

Arnaıy komıssııa sheshimimen sonyń 114-i jaramsyz dep tanylyp, jańadan salynatyn boldy. Qazir merdigerler anyqtalyp, qurylys bastaldy. Bıylǵydaı tasqyndy buryn-sońdy kórmedik deıdi Buldyrty aýylynyń kónekózderi. Qyrdan aqqan qyzyl sý Buldyrty ózeniniń arnasyna syımaı, aýyldyń shetkeri kóshelerine deıin jaıylǵan. 25 úı jaramsyz bolǵan. Qazir qalpyna keltirý jumystary qarqyn aldy. Oıpań jerdegi 10 úı aýyl shetine kóshirilmek.

Keleside sý baspas úshin ózgeleriniń irgetasy da barynsha bıik qyp quıymaq. Aıbek Majıt, merdiger mekeme ókili: – Jerden 80 sm shyǵyp turady, jerge 80 sm kirip turady. 1 metr 60 fýndament. Fýndamentke jaqsy kóńil bólgen. 8 brıgada qazir jumys jasap jatyr úıdi qatar bitirý maqsatynda. Jergilikti turǵyndardan eki brıgadany aldyq, qalǵandary óńirdiń basqa aýdandarynan quraǵan. Jomart Nurpeıis, Buldyrty aýylynyń turǵyny: – Meniń úıim «shıtovoı» úı bolǵan.

Eski úı ǵoı. Tabıǵı apattan sý ketip, osy jerde osy kósheden 10 úı ketip qaldyq qoı. Sol «snosqa» ketti.  Qurylysty bastap jatyr. Rızamyz. Fýndament quıyp jatyr kelip. Tastaryn tasyp jatyr. Syrym aýdanynda Buldyrtydan basqa О́leńti, Jympıty aýyldary da tasqynnan zardap shekti. Sýǵa ketken 253 úıdiń 114 jaramsyz dep tanyldy. Qurylysqa qajetti qarjy «Qazaqstan halqyna» qorynan qaralmaq. Odan bólek О́leńti ózeniniń jaǵasyna qorǵanys bógetin salý kózdelgen.

Qaırat Tólepov, Syrym aýdany ákiminiń orynbasary: – О́leńti jaǵasy boıynsha damba salamyz dep otyrmyz. Joba-smetalyq qujattary jasalǵan. Soǵan ózgeris engizip jatyrmyz. Sodan keıin qarjy bólingesin sol О́leńti boıyna uzyndyǵy 4 km, bıiktigi 7 metr bolatyndaı damba salamyz dep josparlap otyrmyz. Syrym aýdanynda salynatyn turǵyn úı qurylysyna 8 merdiger tartylǵan. Qazir barlyq úıdiń qurylysy bastaldy.