بقو تۇرعىنى ايەلىن قىزعانىشتان پىشاقتاپ ولتىرگەن

باتىس قازاقستان وبلىسىندا ەر ادام ايەلىن قىزعانىشتان پىشاقتاپ ءولتىردى دەگەن كۇدىكپەن قاماۋعا الىندى, دەپ حابارلايدى Qandastar.kz سايتى «موي گورود» باسىلىمىنا سىلتەمە جاساپ.

ءىستى سوتتا قازىلار القاسى قارايدى. تەرگەۋ مالىمەتىنشە, ەر ادام ايەلىنە بىرنەشە رەت پىشاق جاراقاتىن سالعان. الدىن الا دەرەكتەر بويىنشا, قىلمىسقا قىزعانىش سەبەپ بولعان.

ايەل جەدەل جاردەم بريگاداسى كەلگەنگە دەيىن كوز جۇمدى. ارتىندا 3 بالاسى قالدى.

ءۇش ايدان سوڭ ءىس سوتقا جولداندى. ول قىلمىستىق ىستەر جونىندەگى مامانداندىرىلعان اۋدانارالىق سوتتا قارالادى. كۇدىكتىنى قازىلار القاسى سوتتايدى. ولاردىڭ ىرىكتەۋى 16 قازانعا بەلگىلەندى.

ايتا كەتەيىك قايعىلى وقيعا 28 مامىردا باتىس قازاقستان وبلىسىنىڭ تەرەكتى اۋدانىنا قاراستى شاعان اۋىلىندا بولعان. مارقۇمنىڭ كۇيەۋىن سول كۇنى ۇستاپ, ۋاقىتشا ۇستاۋ يزولياتورىنا قامادى. قر قىلمىستىق كودەكسىنىڭ 99-بابى («ادام ءولتىرۋ») بويىنشا سوتقا دەيىنگى تەرگەۋ جۇرگىزىلدى.

شاعان اۋىلدىق وكرۋگىنىڭ اكىمدىگىندە مارقۇمنىڭ وتباسىلىق تۇرمىسى جاقسى بولعانىن, ەش جەردە ەسەپتە تۇرماعانىن حابارلادى. قازا بولعان ايەل مەن كۇدىكتىنىڭ جاسى شامامەن 30-دا بولعان.