BQO turǵyny áıelin qyzǵanyshtan pyshaqtap óltirgen

Batys Qazaqstan oblysynda er adam áıelin qyzǵanyshtan pyshaqtap óltirdi degen kúdikpen qamaýǵa alyndy, dep habarlaıdy Qandastar.kz saıty «Moı gorod» basylymyna silteme jasap.

Isti sotta qazylar alqasy qaraıdy. Tergeý málimetinshe, er adam áıeline birneshe ret pyshaq jaraqatyn salǵan. Aldyn ala derekter boıynsha, qylmysqa qyzǵanysh sebep bolǵan.

Áıel jedel járdem brıgadasy kelgenge deıin kóz jumdy. Artynda 3 balasy qaldy.

Úsh aıdan soń is sotqa joldandy. Ol qylmystyq ister jónindegi mamandandyrylǵan aýdanaralyq sotta qaralady. Kúdiktini qazylar alqasy sottaıdy. Olardyń irikteýi 16 qazanǵa belgilendi.

Aıta keteıik qaıǵyly oqıǵa 28 mamyrda Batys Qazaqstan oblysynyń Terekti aýdanyna qarasty Shaǵan aýylynda bolǵan. Marqumnyń kúıeýin sol kúni ustap, ýaqytsha ustaý ızolıatoryna qamady. QR Qylmystyq kodeksiniń 99-baby («Adam óltirý») boıynsha sotqa deıingi tergeý júrgizildi.

Shaǵan aýyldyq okrýginiń ákimdiginde marqumnyń otbasylyq turmysy jaqsy bolǵanyn, esh jerde esepte turmaǵanyn habarlady. Qaza bolǵan áıel men kúdiktiniń jasy shamamen 30-da bolǵan.