الەم جاڭالىقتارى
بلوگەر ەكسپەريمەنت ءۇشىن ءبىر جىل بويى جاڭالىق وقىماعان
فوتو: اشىق دەرەككوز
بۇل شەشىم وڭايعا سوقپاعان, سەبەبى جاڭالىقتار قايدا بارسا دا الدىنان شىعىپ وتىرعان, دەپ جازدى qandastar.kz
امەريكالىق YouTube-بلوگەر مەتت د’اۆەللا ءبىر جىل بويى جاڭالىق وقۋدان تولىقتاي باس تارتقان.
ونىڭ ايتۋىنشا, ول الەۋمەتتىك جەلىلەر مەن جاڭالىق سايتتارىن مۇلدە اشپاعان. سونداي-اق سۇيىكتىسىنەن ماڭىزدى وقيعالار تۋرالى ايتىپ بەرمەۋدى وتىنگەن. بۇل شەشىم وڭايعا سوقپاعان, سەبەبى جاڭالىقتار قايدا بارسا دا الدىنان شىعىپ وتىرعان.
الايدا كوپ ۇزاماي د’اۆەللا وزىندە مازاسىزدىقتىڭ ازايىپ, بوس ۋاقىتىنىڭ كوبەيگەنىن بايقايدى. ول جاڭالىقتاردى وزىنە قاجەت بولعاندىقتان ەمەس, ادەتى بولعاندىقتان تۇتىنعانىن ءتۇسىندى.
ەندى YouTube-بلوگەر بۇل ەكسپەريمەنتتى باسقا ادامدارعا دا قايتالاپ كورۋگە كەڭەس بەرەدى. ول ءار ادامنىڭ جاڭالىق شىنىمەن ءومىرىن جاقسارتا ما, الدە تەك حاباردارلىقتىڭ يلليۋزياسىن بەرە مە – سونى تۇسىنگەنىن قالايدى.
