بلوگەر: مۇسىلماندارعا جاڭا جىلدى تويلاماق تۇگىلى, ونى ايتۋدىڭ ءوزى كۇنا

فوتو: ۆيدەودان كادر

اينۇر قايراتقىزى ەسىمدى بلوگەر «جاڭا جىلىڭمەن» دەپ قۇتتىقتاۋ جانە قۇتتىقتاۋعا جاۋاپ بەرۋ تۋرالى اڭگىمە قوزعادى, دەپ حابارلايدى qandastar.kz اقپارات پورتالى.

ونىڭ ايتۋىنشا, مۇسىلماندارعا جاڭا جىلدى تويلاماق تۇگىلى, ونى ايتۋدىڭ ءوزى كۇنا ەكەن.

“ەگەر مۇسىلمان بىرەۋدى جاڭا جىلىڭمەن دەگەن سوزبەن قۇتتىقتايتىن بولسا, وندا ول كۇنا بولادى. بىراق, كۇپىرلىككە تۇسپەيدى, ول دىننەن شىقپايدى. ەگەر بىرەۋ “جاڭا جىلىڭمەن” دەپ قۇتتىقتايتىن بولسا, وعان “راحمەت, وزىڭە دە” دەپ جاۋاپ بەرۋگە تىيىم سالىنادى. سەبەبى, شاريعاتتا كۇناعا العىس ءبىلدىرۋ – كۇنا. ونىڭ ورنىنا “ساعان بارلىق جاقسىلىقتى تىلەيمىن” دەپ, جاۋاپ بەرگەن دۇرىس. سونداي-اق, جاڭا جىلدىڭ قۇرمەتىنە ءبىر-بىرىنە سىيلىق بەرۋ, جاڭاجىلدىق مەرەكەلەرگە بالالاردى قاتىستىرۋ, ۇيگە شىرشا ىلۋگە — شاريعاتتا رۇقسات جوق. ءبىز يسلامنىڭ مەرەكەلەرىمەن ءجۇرۋىمىز كەرەك”, – دەيدى اينۇر قايراتقىزى