Bloger: musylmandarǵa jańa jyldy toılamaq túgili, ony aıtýdyń ózi kúná

Foto: vıdeodan kadr

Aınur Qaıratqyzy esimdi bloger «Jańa jylyńmen» dep quttyqtaý jáne quttyqtaýǵa jaýap berý týraly áńgime qozǵady, dep habarlaıdy qandastar.kz aqparat portaly.

Onyń aıtýynsha, musylmandarǵa jańa jyldy toılamaq túgili, ony aıtýdyń ózi kúná eken.

“Eger musylman bireýdi jańa jylyńmen degen sózben quttyqtaıtyn bolsa, onda ol kúná bolady. Biraq, kúpirlikke túspeıdi, ol dinnen shyqpaıdy. Eger bireý “jańa jylyńmen” dep quttyqtaıtyn bolsa, oǵan “rahmet, ózińe de” dep jaýap berýge tyıym salynady. Sebebi, sharıǵatta kúnáǵa alǵys bildirý – kúná. Onyń ornyna “saǵan barlyq jaqsylyqty tileımin” dep, jaýap bergen durys. Sondaı-aq, jańa jyldyń qurmetine bir-birine syılyq berý, jańajyldyq merekelerge balalardy qatystyrý, úıge shyrsha ilýge — sharıǵatta ruqsat joq. Biz ıslamnyń merekelerimen júrýimiz kerek”, – deıdi Aınur Qaıratqyzy