Bloger óz mysyqtaryna arnap metro turǵyzdy

Qytaılyq bloger Sın Chjıleı óz mysyqtaryna arnap, metro turǵyzyp, kópshilikti tańǵaldyrdy, dep habarlaıdy turkystan.kz.

Mamandyǵy ınjener ol bul ǵajaıyp jobasyn óziniń YouTube paraqshasynda tanystyrǵan.

Onyń qaraýyndaǵy mysyqtar endi ǵımarat ishinde ekskalatormen tómen túsip, poıyzǵa otyryp, qatynaı alady. Bloger ol jobany iske asyrýǵa 4 aı ýaqyt ketirgen. Sın keıingi eki jyly mysyqtarǵa arnalǵan shaǵyn ǵımarattar salýmen aınalysady. Metro stansasy – onyń «Mysyqtar qalashyǵy» dep atalatyn iri jobasynyń bir bóligi ǵana. Onda bılıard klýby, kınoteatr, sýpermarket, bank, oıyn-saýyq saıabaǵy, tipti kólik turaǵy bar. Endigi kezekte mysyqtar ǵımarattar arasynda metro stansasy arqyly júre alady.