جاڭالىقتار
بلوگەر ىرىسبالا يكرامبايعا قاتىستى تەكسەرىس باستالدى
بلوگەر ىرىسبالا يكرامباي وزىنە قاتىستى تەكسەرىس جۇرگىزىلىپ جاتقانىن مالىمدەدى, دەپ حابارلايدى Qandastar.kz
ونىڭ ايتۋىنشا, تۋريزم جانە سپورت مينيسترلىگىنەن رەسمي حات كەلگەن. قۇجاتتا بلوگەردىڭ «جۇرگىزىپ جۇرگەن ءىس-ارەكەتىنە تۇسىنىكتەمە بەرۋى» تالاپ ەتىلگەن.
«تاڭەرتەڭ مينيسترلىكتەن حات كەلدى. كۇيەۋىمنىڭ تۋعان كۇنىنە “توسىنسىي” بولدى. وتكەن جىلى دا وسىنداي تەكسەرىس جۇرگىزىلگەن. ول كەزدە استاناعا ارنايى بارىپ, قۇجاتتارىمدى كورسەتتىم, جۇمىستارىمنىڭ زاڭدى ەكەنىن دالەلدەدىم. قورعاۋشىسىز سوتقا قاتىستىم. قاي كەزدە دە ىستەپ جۇرگەن ىسىمە جاۋاپ بەرۋگە دايىنمىن», – دەدى ىرىسبالا.
سونىمەن قاتار بلوگەر مۇنداي تەكسەرىستەر تابىسىنا كەرى اسەر ەتپەيتىنىن, كەرىسىنشە حالىقتىڭ قولداۋىمەن كىرىسى ارتا تۇسەتىنىن اتاپ ءوتتى.
