Bloger jánnátti aqshaǵa satyp alýǵa bolatynyn aıtty

Foto: skrın

Bloger osyǵan qatysty oıyn aıtty, dep habarlaıdy qandastar.kz

«Jamaǵat, oraza ne bolyp jatyr ózi? Neshe túrli ǵaıbat jazylyp jatyr. Paıǵambarymyz (s.ǵ.s) hadısinde “eger adamdar jaman sózden, ǵaıbattan tyıylmasa, tańnan keshke deıin ash júrgenderiń Allaǵa kerek emes” deıdi. Qazaqta aýzyn jaýyp júrgen balyq, qarmaqqa túspeıdi degen jaqsy sóz bar. Birinshiden, bul barlyqtaryńa synaq bolyp tur. Ekinshiden, bul eshqandaı logıkaǵa syımaıtyn nárse emes. Bul tek qana ateısterdiń logısyna syımaıdy. Áıtpese bul nárse musylmannyń ımanyna syıady», — dedi Janádil Raıymbekov.

Onyń sózinshe, Paıǵambarymyz (s.ǵ.s) “Osman jánnátti satyp aldy, ári odan keıin ol ne istese de, oǵan zııanyn tıgizbeıdi” degen. Paıǵambarymyz qabyl bolǵan qajylyqtyń syıy jánnát degen.

«Qajylyqqa seni eshkim tegin aparmaıdy. Saǵan ushaq tegin bılet bermeıdi. Arabtar saǵan qonaq úıden tegin bólme bermeıdi. Sen ony satyp alasyń. Qazir qajylyqtyń baǵasy 7 000 dollar. 7 000 dollarmen qajylyǵyń qabyl bolyp kelseń, sen jánnáttyq bolasyń», — dep aıtty bloger.

Ol adam basyna bále kele jatqanda sadaqa berip, odan qashýyna bolatynyn mysalǵa keltirdi.

«Sadaqa bále-jalany qaıtarady deıdi. Iaǵnı bireýge bergen 10 000 teńge sadaqań nemese Alla jolynda jumsalǵan 1 000 dollaryń seni mıllıondaǵan, mıllıardtaǵan máselelerden aman alyp qalýy múmkin. Bul ómirde talaı musylmannyń basynan ótken oqıǵa. Meniń ózimniń de basymnan talaı ótti. Bul másele ateısterdiń logıkasyna ǵana syımaıdy», — deıdi Janádil Raıymbekov.