جاڭالىقتار
بلوگەر Zheka Fatbelly تويىن نەسيەگە جاساپ, قارىزدان قالاي قۇتىلعانىن ايتتى
فوتو: اشىق دەرەككوز
بلوگەر Zheka Fatbelly (جەڭىس وماروۆ) توي جاساۋ ءۇشىن نەسيە العانىن ايتتى, دەپ جازدى qandastar.kz
«مولدانازار ءان شىرقاپ, مەن قالىڭدىعىممەن قايىقتا بىرگە قول ۇستاسىپ شىققان تويىم ەستەرىڭىزدە مە? ءدال سول تويدى مەن نەسيە الىپ وتكىزدىم. وتكەن ايدا عانا قارىزىن تولىق جاۋىپ بولدىم. قالاي قاتتى دەپرەسياعا ۇششىراعانىمدى ايەلىم بىلەدى. ۇيدە كوپ مازاسىزدانىپ ءجۇردىم, كوبىنە ۇيگە كەلمەۋدى شىعاردىم. ويىم باسقا جاقتا ءجۇردى. ءبىر جەرگە ماركەتولوگ بولىپ جۇمىسقا ورنالاسىپ, كۇنى ءتۇنى جۇمىس ىستەي باستادىم. قارجىلىق ساۋاتسىزدىعىمنىڭ كەسىرىنەن كوپ قيىندىققا ۇشىرادىم. ءتىپتى, پاتەرىمدى ساتۋعا بەل بايلادىم. سوندىقتان بىرەۋدىڭ اسپاننان اقشا تۇسەدى دەگەنىنە سەنبەڭىزدەر. بۇنىڭ بارلىعى بىلىممەن كەلەدى», – دەدى بلوگەر جەڭىس وماروۆ.
