«بلوگەرلەردى دە جاۋاپقا تارتامىز». دەپۋتات ءدىن تۋرالى زاڭعا تۇسىنىكتەمە بەردى

قازىرگى تاڭدا ء«دىني قىزمەت پەن ءدىني بىرلەستىكتەر تۋرالى» زاڭ جوباسى جاسالىپ, دايىن تۇر. قازىر قۇجات ءتيىستى مەملەكەتتىك ورگانداردىڭ اراسىندا كەلىسىمدە ءجۇر. ويتكەنى زاڭدى ءماجىلىس شىعارعانىمەن, ونى ورىندايتىن مەملەكەتتىك ورگاندار. سوندىقتان ولار قانداي دا ۆەدومستۆوارالىق قايشىلىقتار تۋماس ءۇشىن رەتتەۋ جۇمىستار جۇرگىزىپ جاتىر. اتالعان زاڭ جوباسى كۇزگى سەسسيادا قابىلدانباق, – دەدى ەرمۇرات ءباپي «ارداگەرلەر ۇيىمى» رقب ورتالىق كەڭەسىنىڭ پلەنۋمىنان سوڭ.

ءماجىلىس دەپۋتاتى ەلىمىزگە ۇلتتىق مەملەكەتكە باعىتتاۋ جونىندە ۇلكەن ساياسات كەرەگىن ايتادى,-دەپ حابارلايدى Qandastar.kz

قازىر بۇل جۇمىستار باستالىپ جاتىر. ءبىز مەملەكەتتىڭ ۇلتتىق نىشانىن, ۇلتتىق بەت-بەينەسىن مەملەكەتتىك كومپانيا رەتىندە جۇرگىزۋگە ءتيىسپىز. سونىڭ ناتيجەسىندە ەلىمىز ءتالىم مەن تاربيە ماسەلەسىن دە رەتتەيدى. ونىمەن قوسا, سونىڭ ىشىندە ۇعىندىرۋ, ءتۇسىندىرۋ ءجان تۇيسىك ماسەلەلەرى شەشىلمەك. سوندىقتان اۋقىمدى مەملەكەتتىك شارا پارمەندە ءجۇرۋى كەرەك دەپ بىلەمىن. سول كەزدە عانا ءبىز ءدىني شيەلەنىس ماسەلەسىن شەشە الامىز. جاڭا زاڭنىڭ ىشىندە ءتيىستى نورمالار بار. ەگەر سول نورمالار تالقىلاۋ بارىسىندا قابىلدانسا, ەلىمىز كوپتەگەن دەسترۋكتيۆتى اعىمدار مەن سەكتالارعا تىيىم سالا الادى. ماسەلەن, سونداي دەسترۋكتيۆتى اعىمداعى يدەولوگيا ازامات (ەسك-بلوگەر) دارىپتەيتىن بولسا, ال ول ۇلتتىق مۇددەمىزگە قارسى كەلەتىن بولسا, ازامات جاۋاپقا تارتىلادى, – دەدى ەرمۇرات ءباپي.