«Blogerlerdi de jaýapqa tartamyz». Depýtat din týraly zańǵa túsinikteme berdi

Qazirgi tańda «Dinı qyzmet pen dinı birlestikter týraly» zań jobasy jasalyp, daıyn tur. Qazir qujat tıisti memlekettik organdardyń arasynda kelisimde júr. О́ıtkeni zańdy májilis shyǵarǵanymen, ony oryndaıtyn memlekettik organdar. Sondyqtan olar qandaı da vedomstvoaralyq qaıshylyqtar týmas úshin retteý jumystar júrgizip jatyr. Atalǵan zań jobasy kúzgi sessııada qabyldanbaq, – dedi Ermurat Bápı «Ardagerler Uıymy» RQB Ortalyq keńesiniń plenýmynan soń.

Májilis depýtaty elimizge ulttyq memleketke baǵyttaý jóninde úlken saıasat keregin aıtady,-dep habarlaıdy Qandastar.kz

Qazir bul jumystar bastalyp jatyr. Biz memlekettiń ulttyq nyshanyn, ulttyq bet-beınesin memlekettik kompanııa retinde júrgizýge tıispiz. Sonyń nátıjesinde elimiz tálim men tárbıe máselesin de retteıdi. Onymen qosa, sonyń ishinde uǵyndyrý, túsindirý ján túısik máseleleri sheshilmek. Sondyqtan aýqymdy memlekettik shara pármende júrýi kerek dep bilemin. Sol kezde ǵana biz dinı shıelenis máselesin sheshe alamyz. Jańa zańnyń ishinde tıisti normalar bar. Eger sol normalar talqylaý barysynda qabyldansa, elimiz kóptegen destrýktıvti aǵymdar men sektalarǵa tyıym sala alady. Máselen, sondaı destrýktıvti aǵymdaǵy ıdeologııa azamat (esk-bloger) dáripteıtin bolsa, al ol ulttyq múddemizge qarsy keletin bolsa, azamat jaýapqa tartylady, – dedi Ermurat Bápı.