«بلوكقا تىعىپ, قاشىپ كەتتى»: جۇلدىز ابدىكارىموۆا تاعى دا الاياقتارعا الدانىپ قالدى

فوتو: zhuldyzabdukarimovaofficial پاراقشاسىنان

قايرات نۇرتاستىڭ جارى, تانىمال اكتريسا جۇلدىز ابدىكارىموۆا تاعى دا الاياقتاردىڭ قۇربانى بولدى, دەپ حابارلايدى Qandastar.kz.

ونەر يەسى سۋ جاڭا پاتەردىڭ جوندەۋ جۇمىستارىمەن ءجۇر. 

«وسىعان دەيىن (2 جىل بۇرىن) جارناماسى جار سالىپ تۇرعان كومپانياعا سەنىپ, جيھازعا تاپسىرىس بەردىم. كەلىسىم شارتقا وتىرىپ 70 پايىز تولەم جاسادىم. ۋادە ەتكەن ۋاقىتتا تاپسىرىسىمدى اكەلمەگەنى بىلاي تۇرسىن, ماعان مۇلدە جاۋاپ بەرمەي, اياعىندا مەنى بلوكقا تىعىپ, قاشىپ كەتتى. كەلىسىم شارتتا كورسەتىلگەن مەكەنجاي جالعان بولىپ شىقتى. بۇدان دا ساباق الدىم! قازىر تەك كوزىمدى جەتكىزىپ بارىپ تاپسىرىس بەرەمىن دەپ شەشتىم», – دەپ جازدى اكتريسا.

سونداي-اق كينو جۇلدىزى سوڭعى كەزدە جۇيكەسىنىڭ سىر بەرىپ جۇرگەنىن جاسىرمادى.

«نە قىلسا, دەمالىستا جۇرگەندەردى ۋاقىتشا بۇعاتتاي سالامىن-اۋ دەيمىن. ابدەن جۇيكەگە ءتيىپ ءبىتتى», – دەپ اشۋلاندى ونەر يەسى.