«Blokqa tyǵyp, qashyp ketti»: Juldyz Ábdikárimova taǵy da alaıaqtarǵa aldanyp qaldy

Foto: zhuldyzabdukarimovaofficial paraqshasynan

Qaırat Nurtastyń jary, tanymal aktrısa Juldyz Ábdikárimova taǵy da alaıaqtardyń qurbany boldy, dep habarlaıdy Qandastar.kz.

О́ner ıesi sý jańa páterdiń jóndeý jumystarymen júr. 

«Osyǵan deıin (2 jyl buryn) jarnamasy jar salyp turǵan kompanııaǵa senip, jıhazǵa tapsyrys berdim. Kelisim shartqa otyryp 70 paıyz tólem jasadym. Ýáde etken ýaqytta tapsyrysymdy ákelmegeni bylaı tursyn, maǵan múlde jaýap bermeı, aıaǵynda meni blokqa tyǵyp, qashyp ketti. Kelisim shartta kórsetilgen mekenjaı jalǵan bolyp shyqty. Budan da sabaq aldym! Qazir tek kózimdi jetkizip baryp tapsyrys beremin dep sheshtim», – dep jazdy aktrısa.

Sondaı-aq kıno juldyzy sońǵy kezde júıkesiniń syr berip júrgenin jasyrmady.

«Ne qylsa, demalysta júrgenderdi ýaqytsha buǵattaı salamyn-aý deımin. Ábden júıkege tıip bitti», – dep ashýlandy óner ıesi.