Bloomberg: ق ۇلىباەۆ مەملەكەتكە 1 ملرد دوللار تولەۋ جونىندە كەلىسسوز جۇرگىزىپ جاتىر

فوتو:نوك

قازاقستاندىق ميللياردەر تيمۋر ق ۇلىباەۆ ەلدىڭ بۇرىنعى پرەزيدەنتى, قايىناتاسى نۇرسۇلتان نازارباەۆتىڭ بيلىگى كەزىندە جيناعان بايلىعىنا قاتىستى ۇكىمەتتىڭ تەرگەۋى اياسىندا مەملەكەتكە 1 ملرد دوللار تولەۋ جونىندە كەلىسسوز جۇرگىزىپ جاتىر. بۇل تۋرالى 5 اقپاندا وسى جاعدايمەن تانىس دەرەككوزدەرىنە سۇيەنىپ Bloomberg اگەنتتىگى جازدى, دەپ حابارلادى qandastar.kz

«كەلىسىمگە كەلەر بولسا, نۇرسۇلتان نازارباەۆتىڭ كۇيەۋبالاسى تيمۋر ق ۇلىباەۆ قارجىنىڭ ءبىر بولىگىن اقشالاي, قالعانىن ينۆەستيتسيا تۇرىندە تولەيدى», – دەپ حابارلادى اگەنتتىك.

Bloomberg دەرەككوزدەرىنىڭ مالىمەتىنشە, ق ۇلىباەۆ تولەم جاساعانمەن, بۇل ونىڭ كىناسىن مويىنداۋ دەگەندى بىلدىرمەيدى.

اگەنتتىكتىڭ جازۋىنشا, ق ۇلىباەۆتىڭ وكىلى بۇل ماسەلە مەملەكەتتىك ىستەرگە قاتىستى دەپ, تىكەلەي پىكىر بىلدىرۋدەن باس تارتقان, بىراق «كەز كەلگەن تولەمدى اكتيۆتەردى قايتارۋ دەپ اتاعان دۇرىس ەمەس» دەپ ايتقان. ميللياردەردىڭ وكىلى «وسى جىلدار ىشىندە ق ۇلىباەۆ ەلدىڭ ەكونوميكالىق جانە الەۋمەتتىك دامۋىنا ەلەۋلى ۇلەس قوستى جانە «وسى باعىتتا ۇكىمەتپەن ءوزارا ارەكەت ەتۋدى جالعاستىرىپ وتىر» دەپ جاۋاپ بەرگەن.

بىلتىر قاراشادا جەرگىلىكتى مەديالار تيمۋر ق ۇلىباەۆ پەن قازاقستان پروكۋراتۋراسى سوتتاسىپ جاتىر دەگەن اقپارات تاراتقان. ىستە كاسىپكەر ق ۇلىباەۆتىڭ جاۋاپكەر ەكەنى جازىلعان ەدى. ال ارىز يەسى رەتىندە باس پروكۋراتۋراعا قارايتىن اكتيۆتەردى قايتارۋ جونىندەگى كوميتەت كورسەتىلگەن.

قازتاگ, Orda, Kursiv جانە وزگە دە بىرقاتار سايت جارىسا حابار تاراتقانىمەن, دەرەك ەڭ الدىمەن Nege Aqsha دەپ اتالاتىن تەلەگرام-ارناعا شىققان. ارنا اۆتورلارى سوت كابينەتىندەگى قۇجاتتىڭ سكرينىن جاريالاپ, ءىستى 18 قاراشادان باستاپ الماتى قالالىق سوتى قاراپ جاتىر دەپ جازعان.

ءبىر اي بۇرىن كاسىپكەردىڭ زاڭسىز يەمدەنىلگەن اكتيۆتەردى قايتارۋ زاڭى اياسىنداعى قۇپيا رەەسترگە كىرگەنى تۋرالى رەسمي راستالماعان اقپارات تا وسى ارنادا پايدا بولعان. زاڭعا سايكەس, اكتيۆتەردى قايتارۋ جونىندەگى كوميتەت تە, كوميسسيا دا بايلىعى تەكسەرىلەتىن ادامدار تىزىمىندە كىمدەر بارىن جاريالامايدى.

ازاتتىق سول ۋاقىتتا الماتى قالالىق سوتىنىڭ وكىلىنە حابارلاسىپ, كوميتەت پەن كاسىپكەر اراسىنداعى سوت جايلى اقپارات سۇراعاندا, ءباسپاسوز قىزمەتىنىڭ وكىلى جاۋاپ بەرۋدەن باس تارتقان ەدى. ال سوت كابينەتىندە ەكى تاراپتىڭ اراسىندا قانداي دا ءبىر سوت پروتسەسى ءوتىپ جاتقانى تۋرالى اقپارات بولمادى.