«Bodı massaj jasatady»: Atyraý meshitiniń qyzmetkerleri ımamnyń ústinen aryzdandy

Foto: jeke qorynan

Eń soraqysy, ımamnyń tánin satatyn jeńiltek qyzdarǵa baryp, bodı massaj jasatyp, jynystyq qatynasqa túsetinin dúıim jamaǵat biledi.

Atyraý qalasyndaǵy «Quspan Molda» meshitiniń qyzmetkerleri ımam Emmat Ǵumarovtyń ústinen aryzdanyp, jýrnalıst Oraz Álimbekke hat jazǵan, dep habarlaıdy  qandastar.kz Skifnews.kz aqparat portalyna silteme jasap.

Jýrnalıstiń áleýmettik jelige jarııalaǵan deregin qaz-qalpynda nazaryńyzǵa usynamyz.

«Atyraý jamaǵaty maǵan aryz jazypty…

Tómendegi aryzda aıtylǵan aıyptaýdyń ras ıakı ótirigin bilmedim. Múftııat qalaı da jamaǵattyń janaıqaıyna nazar aýdaryp, osy aryz boıynsha tekserý júrgizýi tıis. Sebebi, meshit ımamyn taǵaıyndaý Bas múftıdiń buıryǵy boıynsha júzege asady. Al meniń qolymda turǵan ne bar?!. Men Aqıqat pen Ádildik izdegen jalańaıaq jýrnalıstiń birimin ǵoı.

«Qurmetti Oraz Álimbekov myrza!

Biz Atyraý qalasy, «Quspan Molda» meshitiniń jamaǵaty meshit ımamy Emmat Ǵumarovtyń ústinen bas múftı Naýryzbaı О́tpenovke qanshama ret aryzdansaq ta, osy ýaqytqa deıin oǵan baılanysty eshqandaı shara qoldanylǵan emes. Sebebi Emmat Ǵumarov ózine laıyqsyz, biraq asyl dinimiz arqyly paıda tabatyn meshit minberin saqtap qalý úshin múftııat basshylyǵyna Atyraýdyń bekiresimen qara ýyldyryǵyn aı saıyn jiberip turady.

Odan qalsa atyraýlyq kásipkerler men meenattardyń arqasynda ábden baıydy,sonyń arqasynda úıir-úıir jylqysy,júzdegen túıe men sıyr-qoıy bar. Sonymen qatar Emmat Ǵumarov Qurandy tájýıd boıynsha qate oqıdy, dinı bilimi óte nashar.

Eń soraqysy, tánin satatyn jeńiltek qyzdarǵa baryp, bodı massaj jasatyp, jynystyq qatynasqa túsetinin dúıim jamaǵat biledi.

Dinimizde tıym salynǵan temeki, nasybaı, anasha da shegedi.

О́zi quddy bir ımam emes, teatrda qyzmet jasaıtyn saıqymazaq sekildi únemi bylapyt-kórgensiz anekdottar aıtady.

Emmat Ǵumarov 30-jyl boıy eldi sorlatyp, sáláfızmniń Qazaqstanda taralýyna múddeli Nursultan Nazarbaevty únemi madaqtaýyn toqtatqan emes.

Qurmetti Oraz aǵa!

Siz dástúrli dinimizdi jemqor jáne amoraldy ımamdardan meılinshe qorǵap júrgen Qazaqstandaǵy jalǵyz jýrnalıstsiz, osy janaıqaımyzdy dúıim halyqqa jarııalaýyńyzdy ótinemiz.

Qurmetpen:

«Quspan Molda» meshitiniń bir top jamaǵaty», – delingen jýrnalıst jarııalaǵan hatta.