بودي ماسساجدان 1,5 ميلليارد تەڭگە تاپقان: قازاقستاندىق ايەلدىڭ مۇلكى تاركىلەندى

فوتو: depositphotos.com

بودي ماسساج سالونىن اشقان قازاقستاندىق ايەلدىڭ 1,5 ميلليارد تەڭگە مۇلكى تاركىلەندى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

بۇل تۋرالى قارجى مونيتورينگ اگەنتتىگى توراعاسىنىڭ ورىنباسارى جەڭىس ەلەمەسوۆ مالىمدەدى. ونىڭ ايتۋىنشا, بەلگىسىز ازاماتشا بودي ماسساج قىزمەتتەرى كورسەتىلگەن سپا-ورتالىق اشقان.

«ايەل جەڭگەتايلىق ءۇشىن سوتتالدى, 4 جىلعا باس بوستاندىعىنان ايىرىلدى. مەملەكەت كىرىسىنە 114 ميلليون تەڭگە تاركىلەندى», – دەدى جەڭىس ەلەمەسوۆ.

اگەنتتىك وكىلىنىڭ ايتۋىنشا, قارجىلىق جاعى مۇقيات زەرتتەلگەن كەزدە, اتالعان ازاماتشانىڭ قول استىندا 15 قىز جۇمىس ىستەگەنى انىقتالعان. ولار كۇنىنە 3-4 كليەنتكە قىزمەت كورسەتكەن. قىزمەت قۇنى ورتا ەسەپپەن 30 مىڭنان 150 مىڭ تەڭگەگە دەيىن بولعان.

«ورتا ەسەپپەن ەكى جىل ىشىندە ونىڭ قىلمىستىق جولمەن تاپقان تابىسى 2 ميلليارد تەڭگەدەن اسۋى ءتيىس ەدى. وسىعان بايلانىستى ءبىز تەرگەۋدى باستاپ, 1,5 ميلليارد تەڭگەدەن استام سوماداعى اكتيۆتەرىن انىقتادىق. ولاردىڭ قاتارىندا پاتەرلەر, كوممەرتسيالىق نىساندار مەن ليۋكس اۆتوكولىكتەر بار», – دەدى ەلەمەسوۆ.

ونىڭ ايتۋىنشا, ايەل قاراجاتتىڭ ءبىر بولىگىن ايەل اۋىل شارۋاشىلىعى ونىمدەرىن ساتىپ الىپ, قايتا ساتۋمەن اينالىساتىن بيزنەس-جوباعا سالىپ ۇلگەرگەن. وسى جوبادان دا تابىس تاپقان.

«بۇل قاراجاتتىڭ بارلىعى ەسەپكە الىنىپ, ناقتى كولەمى انىقتالدى. 1,5 ميلليارد تەڭگە كولەمىندەگى م ۇلىككە تىيىم سالىنىپ, مەملەكەت كىرىسىنە تاركىلەندى», – دەدى اگەنتتىك توراعاسىنىڭ ورىنباسارى.

ەسكە سالساق, بۇعان دەيىن ىشكى ىستەر ءمينيسترى بودي ماسساج بەن kyzdar.net سايتىنىڭ جۇمىسى تۋرالى پىكىر بىلدىرگەن ەدى.