بوگەت تاسقىنعا توسقاۋىل بولا ما?

سولتۇستىك قازاقستان وبلىسىنداعى تەپليچنىي اۋىلىندا قورعانىس بوگەتى نىعايتىلادى. قازىر اسكەري ءبولىمنىڭ ساربازدارى كومەككە كەلىپ, تاسقىنعا قارسى قۇم دايىنداپ جاتىر.

پەتروپاۆل ماڭىنداعى ەلدى مەكەنگە كوكتەم سايىن قار سۋى مەن ەسىل وزەنى قاۋىپ توندىرەدى. ايداربەك ايتمۇحامبەت ۇلى, ءتىلشى: — تەپليچنىي اۋىلىنىڭ تۇرعىندارى 2017-ءنىڭ كوكتەمىن ءالى كۇنگە دەيىن ۇمىتقان جوق. ول جىلى ەسىل وزەنى قاتتى تاسىپ, ەلدى مەكەننىڭ 40-قا جۋىق ءۇيىن سۋ باسىپ قالعان بولاتىن. تەپليچنىي اۋىلى پەتروپاۆلدان نەبارى بەس شاقىرىم قاشىقتا ورنالاسقان. 400-دەن ارتىق ءۇي بار. جەرگىلىكتى تۇرعىندار جەتى جىل بۇرىنعى تاسقىندى ءالى كۇنگە ۇمىتا قويماعان.

نيكولاي الەكسەەۆ, تەپليچنىي اۋىلىنىڭ تۇرعىنى: — 2017 جىلى سۋدىڭ دەڭگەيى بوگەتپەن بىردەي بولدى. ۇيلەر مەن ساياجايلار سۋ استىندا قالدى. بيىل دا قار كوپ. ارينە الاڭدايمىز. سول تاسقىننان كەيىن اۋىلدا بيىكتىگى 3 مەترگە جەتەتىن بوگەت سالىندى. سودان بەرى كوكتەم سايىن تاسيتىن ەسىل مەن قار سۋىنا توتەپ بەرەدى. بيىل ونى نىعايتۋ ءۇشىن 6 مىڭ قاپ قۇم دايىندالىپ جاتىر. داۋرەن رامازانوۆ, پريبرەجنىي اۋىلدىق وكرۋگىنىڭ اكىمى: — ءىس-شارالار مىناۋ ترۋبالار تازالانىپ, جولدار كەڭەيتىلىپ, سول جولدىڭ جيەگىندەگى مىناۋ دامبىنىڭ ۇستىندەگى تەزىرەك ەرىپ, قارى كەپسىن دەپ سول ۇستىندەگى قارلاردى دا تازالاپ ءسويتىپ قارلاردى شىعارىپ, سونداي جۇمىستار جۇرگىزىلىپ جاتىر قازىرگى تاڭدا. وڭىردە سۋ باسۋى مۇمكىن دەگەن 87 ەلدى مەكەن باقىلاۋعا الىندى. سينوپتيكتەردىڭ ايتۋىنشا, تاسقىننىڭ العاشقى تولقىنى ءساۋىردىڭ باسىندا باستالۋى مۇمكىن.