Boıjetkenniń bóksesin ustaǵan astanalyqqa jaza taǵaıyndaldy

Astanada qyzdyń bóksesinen ustaǵan er adam 5 táýlikke qamaldy, dep habarlaıdy qandastar.kz.

Jábirlenýshi qyz Threads jelisinde ákimshilik sot ótkenin, onyń sheshimi boıynsha 58 jastaǵy er adamǵa 5 táýlik qamaý jazasy taǵaıyndalǵanyn jazdy.

Arıana esimdi qyzdyń aıtýynsha, er adam Ákimshilik quqyq buzýshylyq týraly kodekstiń 434-baby «Usaq buzaqylyq» boıynsha kináli dep tanylyp, 5 táýlikke qamaýǵa alyndy. Sondaı-aq ol sotta er adamnyń keshirim suraǵanyn, alaıda óziniń oǵan kónbegenin aıtty. Qyzdyń sózinshe, mundaı áreketke áldeqaıda qatań jaza taǵaıyndalýy kerek.

Jábirlenýshi qosymsha materıaldyq shyǵyn óndirip alýdy suraǵan, biraq oǵan bul úshin azamattyq sotqa qaıta aryz berý kerek.

«Emoııalyq turǵyda qatty zardap shektim, psıhologııalyq turǵydan aýyr tıdi. Múmkin tipti qalpyna kelý úshin psıholog kómegi qajet shyǵar dep oılaımyn. Áıelderdiń qaýipsizdigi úshin atsalysa alǵanyma qýanyshtymyn.  Is búkil elge belgili bolyp, sońyna deıin jetkenine rızamyn. Kez kelgen máselede úndemeı otyra berýge bolmıtynyn kórsete aldym. Áıelder qaýymy, óz qaýipsizdikterińizdi qadaǵalańyzdar. Erler, qurmet pen parasattylyq tanytyńyzdar», – dep jazdy ol.