Boks federaııasy Instagram arqyly jumystan shyǵarǵan Myrzaǵalı Aıtjanovqa shapan japty

Foto: ashyq derekkózden

Qazaqstan boks federaııasy QR Eńbek sińirgen jattyqtyrýshy, ulttyq quramany uzaq jyldar jattyqtyrǵan Myrzaǵalı Aıtjanovqa qurmet kórsetti, dep habarlaıdy Qaz365.kz.

«Myrzaǵalı Qulanulynyń Qazaqstan boksyna sińgen eńbegi zor. Búgingi kúnge deıin bylǵary qolǵap sheberlerin daıyndaýda tókken mańdaı terdi baǵalaımyz jáne sizge alǵys aıtamyz», – dedi is-sharada Qazaqstan boks federaııasynyń prezıdenti Shahmurat Mútálip.

Qazaqtyń dástúri boıynsha, Myrzaǵalı Aıtjanovtyń ıyǵyna shapan jabylyp, baǵaly syılyqtar tabystaldy.

Aıta keteıik, Parıj Olımpıadasynda bokstan Qazaqstan erler quramasy bir kúmis medalmen shekteldi. Osydan keıin Myrzaǵalı Aıtjanov jáne taǵy 10 bapker qyzmetinen ketken bolatyn. Sol kezde áleýmettik jelide kóptegen pikirler aıtyldy. Bapkerge laıyqty qurmet kórsetpedi, «Instagram arqyly jumystan shyǵara saldy» degen sózder bolǵan edi.