بوكس وليمپيادا ويىندارىنان الىنىپ تاستالۋى مۇمكىن

لوس-اندجەلەستەگى كەلەسى ويىندا وليمپيادالىق سپورت تۇرلەرى تىزىمىنەن الىنىپ تاستالۋى مۇمكىن. بۇل تۋرالى حالىقارالىق وليمپيادا كوميتەتىنىڭ پرەزيدەنتى توماس باح مالىمدەدى, دەپ حابارلايدى Skifnews.kz اقپارات پورتالى.

«مۇمكىن كەلەسى جىلى دا قابىلدانىپ قالۋى مۇمكىن. نەعۇرلىم تەزىرەك, ءتىپتى ءبىرىنشى جارتىجىلىقتا شەشىم قابىلدانعانىن قالايمىز. بىراق ودان ەرتەرەك بولۋى ەكىتالاي, – دەدى حالىقارالىق وليمپيادا كوميتەتىنىڭ پرەزيدەنتى.

360.ru دەرەگىنشە, ماڭىزدى شەشىم 2025 جىلى قابىلدانادى.

«بۇل تۋرالى ايتۋ ءالى ەرتە, ويتكەنى, حوك پرەزيدەنتى قىزمەتىنەن كەتەتىنىن جاريالاعان توماس باح مۇنداي شەشىم قابىلدانسا, كەلەسى جىلدىڭ ورتاسىندا بولاتىنىن ايتتى. سونداي-اق بوكستان حالىقارالىق جارىستار وتكىزۋ ءۇشىن ۇلتتىق ۇيىمداردىڭ بىرىگۋى قاجەتتىگىن باسا ايتتى», – دەدى سپورت ءجۋرناليسى بوريس حودوروۆسكي.

ءجۋرناليستىڭ پىكىرىنشە, بوكستىڭ تاعدىرىن وليمپيادا ويىندارى اياسىندا قاراستىرعاندا, حوك پەن رەسەيلىك ۋمار كرەملەۆ باسقاراتىن حالىقارالىق بوكس قاۋىمداستىعى (حبا) اراسىندا اشىق كيكىلجىڭ جالعاسىپ جاتقانىن ەسكەرۋ قاجەت. بۇگىنگە دەيىن تاراپتاردىڭ تاتۋلاسۋى مۇمكىن ەمەس جاعدايعا جەتتى.