Boks Olımpıada oıyndarynyń baǵdarlamasyna endi

Foto: ashyq derekkóz

Grekııanyń Kosta-Navarıno qalasynda ótken Halyqaralyq Olımpıadalyq komıtetiniń (HOK) 144-shi sessııasynda 2028 jyly Los-Andjeleste ótetin Olımpıada oıyndarynyń baǵdarlamasyna boksty qosý týraly sheshim qabyldandy, dep jazdy qandastar.kz

Bastapqyda bul sport túri 2022 jyldyń aqpanynda 2028 jylǵy Olımpıada oıyndarynyń jarys baǵdarlamasynan shyǵarylǵan edi.

Bul sheshim Halyqaralyq boks qaýymdastyǵy (IBA) tóńireginde týyndaǵan máselelerge baılanysty qabyldanǵan. 2023 jyldyń maýsymynda HOK IBA-nyń resmı moıyndaýyn tolyqtaı qaıtaryp alǵannan keıin, bokstyń Olımpıadadaǵy bolashaǵy belgisiz bolyp qalǵan edi.

2024 jylǵy Parıj Olımpıadasynda boks jarystary HOK-niń arnaıy jumys tobynyń qadaǵalaýymen ótti, bul sporttyń Olımpıadalyq qozǵalys úshin mańyzdylyǵyn taǵy bir márte dáleldedi.

Olımpıadalyq bokstyń jańa damý kezeńinde basqarý 2023 jyly qurylǵan World Boxing Halyqaralyq boks federaııasyna júkteldi. Qazirgi tańda bul uıymǵa 84 ulttyq federaııa múshe. Jýyrda World Boxing HOK-ten ýaqytsha moıyndaý alyp, álemdik deńgeıde boksty damytý quqyǵyna ıe boldy.

“HOK-niń boksty Los-Andjeles Olımpıadasynyń baǵdarlamasyna qosý týraly sheshimi – World Boxing pen búkil Olımpıada komıssııasynyń maqsatty jumysynyń kópten kútken nátıjesi. Bul – myńdaǵan sportshynyń armanyn saqtap qalý degen sóz.

Men Olımpıada oıyndarynyń júldegeri retinde munyń bolashaq býyn sportshylary úshin qanshalyqty mańyzdy ekenin túsinemin. Olımpıada – jaı ǵana jarys emes, bul – úmittiń sımvoly, sheberlikke umtylý jáne álemge ózińdi kórsetý múmkindigi.

Biz bokstyń baı tarıhy men dástúrin Olımpıada baǵdarlamasynda saqtaý úshin qadam saıyn eńbek ettik. Árbir jas sportshy óz eliniń týyn jelbiretip, Olımpıada tuǵyryna kóterile alýy tıis.

Alda áli kóp jumys kútip tur, biz bul jaýapkershilikti tolyq sezinemiz. World Boxing ádil tóreshilik pen sportshylardy irikteý úderisiniń ashyqtyǵyn qamtamasyz etý úshin bar kúshin salady”, – dedi Olımpıada komıssııasynyń tóraǵasy Gennadıı Golovkın.

Sondaı-aq, Gennadıı Golovkınniń aıtýynsha, World Boxing burynǵydaı ashyqtyq pen ádildik qaǵıdalaryn ustanyp, árbir boksshynyń teń quqyqtary men múmkindikterin qamtamasyz etýge basa nazar aýdarady.

Aıta keteıik, Qazaqstan boks federaııasy 2024 jyldyń qarasha aıynda World Boxing quramyna kirdi.

2028 jylǵy Los-Andjeles Olımpıadasy 14-30 shilde aralyǵynda ótedi.