Bokstan Qazaqstan quramasyna jańa bas bapker taǵaıyndaldy

Qaırat Sátjanov bokstan Qazaqstan quramasynyń jańa bas bapkeri bolyp taǵaıyndaldy, dep habarlaıdy qandastar.kz Skifnews.kz aqparat portalyna silteme jasap.

Qaırat Tursunqanuly Sátjanov – 54 jasta, Qazaqstan Respýblıkasynyń bokstan eńbek sińirgen jattyqtyrýshysy, Qazaqstan Respýblıkasynyń dene shynyqtyrý jáne sport úzdigi. Bapkerlik eńbek ótili – 34 jyl. 2021-2022 jyldary Qazaqstan ulttyq quramasynyń bas bapkeri qyzmetin atqarǵan.

2024 jyldan Qazaqstan jastar quramasynyń aǵa bapkeri. Sátjanovtyń jetekshiligimen 2021 jyly Qazaqstan quramasy álem chempıonatynda (Serbııa) II komandalyq oryn (2 altyn, 2 kúmis, 1 qola medal) aldy. 2022 jyly Azııa chempıonatynda (Iordanııa) II komandalyq oryn (3 altyn, 6 kúmis, 3 qola) enshilegen. 2024 jyly Astanada ótken jastar arasyndaǵy Azııa chempıonatynda Qazaqstan komandasy I komandalyq oryn (5 altyn, 1 kúmis, 3 qola) aldy.

Qaırat Sátjanov jattyqtyrýshy retinde 7 álem chempıonyn, 43 Azııa chempıonyn daıyndaǵan.

Eske salaıyq, Myrzaǵalı Aıtjanov bastaǵan bokstan erler komandasynyń bapkerlik quramy tolyǵymen jumystan shettetilgen edi.