«بولاشاق» باعدارلاماسىنىڭ تالابى وزگەرەدى

فوتو: egemen.kz

ەندى ستيپەندياعا ۇمىتكەرلەر ەكى ەمەس, ءۇش سىناق كەزەڭىنەن ءوتۋى مۇمكىن. ءبىرىنشىسى – كەشەندى تەستىلەۋ, ەكىنشىسىندە – اڭگىمەلەسۋ, ءۇشىنشىسى – ەسسە جازۋ, دەپ حابارلايدى   qandastar.kz  Skifnews.kz اقپارات پورتالىنا سىلتەمە جاساپ.

«بولاشاق» حالىقارالىق ستيپەندياسى يەگەرلەرىنىڭ وتىنىشتەرىن قاراۋ جونىندەگى كوميسسيا قۇرىلادى.

«كوميسسيانىڭ ناقتى سيپاتتاماسى تۇسىنبەۋشىلىكتەردى بولدىرماۋعا مۇمكىندىك بەرەدى جانە قاۋلىنى ورىنداۋعا بايلانىستى اكىمشىلىك راسىمدەردى جەڭىلدەتۋگە مۇمكىندىك بەرەدى. وسىلايشا, بۇل تەرميننىڭ ەنگىزىلۋى قۇقىق قولدانۋ تاجىريبەسىندە ايقىندىق پەن رەتتەلۋدى قامتاماسىز ەتەدى, بۇل ءوز كەزەگىندە كوميسسيا جۇمىسىنىڭ تيىمدىلىگىن ارتتىرۋعا جانە «بولاشاق» باعدارلاماسى اياسىندا زاڭ نورمالارىن ءدال ساقتاۋعا ىقپال ەتەدى», – دەلىنگەن قاۋلى جوباسىنا قوسا بەرىلگەن سالىستىرمالى كەستەدە.

بۇدان بولەك شاكىرتاقىعا ۇمىتكەرلەر كەمى 500 سوزدەن قۇرالعان ەسسە جازاتىن بولاد.

«ۋاجدەمەلىك حات – ۇمىتكەر وسى سالادا تاڭداعان جوو مەن ونىڭ ارتىقشىلىعىن, بۇل ستيپەنديانى الۋ قاجەتتىلىگىن جانە تاڭداعان باعىتى بويىنشا العان بىلىمنەن كۇتەتىن ناتيجەسىن جانە ولاردى ارى قاراي پراكتيكادا قولدانۋىن نەگىزدەيتىن, كولەمى كەمىندە 500 سوزدەن قۇرالعان, ەركىن نىساندا جازىلعان ەسسە. كانديداتتاردىڭ كاسىبي جانە اكادەميالىق ماقساتتارىنا وبەكتيۆتى باعا بەرۋ ماقساتىندا, جانە رەسپۋبليكالىق كوميسسياعا نەعۇرلىم نەگىزدەلگەن جانە بايىپتى شەشىمدەر قابىلداۋعا كومەكتەسەدى. موتيۆاتسيالىق حاتتاعى نەگىزگى اسپەكتتەردى انىقتاۋ تاڭدالعان جوو-نى جانە ونىڭ ارتىقشىلىقتارىن سيپاتتاۋ, سونداي-اق ستيپەنديانىڭ قاجەتتىلىگىنىڭ سەبەپتەرىن كورسەتۋ ۇمىتكەر مەن كوميسسيا اراسىندا ماقساتتى جانە سىندارلى ديالوگ ورناتۋعا مۇمكىندىك بەرەدى», – دەلىنگەن قۇجاتتا.

موتيۆاتسيالىق حات ۇمىتكەردىڭ جەكە ماقساتتارىن, ونىڭ كاسىبي جوسپارلارى مەن وقۋعا دەگەن ىنتاسىن كورسەتەتىن بولادى دەپ كۇتىلىپ وتىر.

ۇكىمەت قاۋلىسى «اشىق نقا» پورتالىندا 15 قاراشاعا دەيىن جاريا تالقىلاۋدا بولادى.