«Bolashaq» baǵdarlamasynyń talaby ózgeredi

Foto: egemen.kz

Endi stıpendııaǵa úmitkerler eki emes, úsh synaq kezeńinen ótýi múmkin. Birinshisi – keshendi testileý, ekinshisinde – áńgimelesý, úshinshisi – esse jazý, dep habarlaıdy   qandastar.kz  Skifnews.kz aqparat portalyna silteme jasap.

«Bolashaq» halyqaralyq stıpendııasy ıegerleriniń ótinishterin qaraý jónindegi komıssııa qurylady.

«Komıssııanyń naqty sıpattamasy túsinbeýshilikterdi boldyrmaýǵa múmkindik beredi jáne qaýlyny oryndaýǵa baılanysty ákimshilik rásimderdi jeńildetýge múmkindik beredi. Osylaısha, bul termınniń engizilýi quqyq qoldaný tájirıbesinde aıqyndyq pen rettelýdi qamtamasyz etedi, bul óz kezeginde Komıssııa jumysynyń tıimdiligin arttyrýǵa jáne «Bolashaq» baǵdarlamasy aıasynda zań normalaryn dál saqtaýǵa yqpal etedi», – delingen qaýly jobasyna qosa berilgen salystyrmaly kestede.

Budan bólek shákirtaqyǵa úmitkerler kemi 500 sózden quralǵan esse jazatyn bolad.

«Ýájdemelik hat – úmitker osy salada tańdaǵan JOO men onyń artyqshylyǵyn, bul stıpendııany alý qajettiligin jáne tańdaǵan baǵyty boıynsha alǵan bilimnen kútetin nátıjesin jáne olardy ary qaraı praktıkada qoldanýyn negizdeıtin, kólemi keminde 500 sózden quralǵan, erkin nysanda jazylǵan esse. Kandıdattardyń kásibı jáne akademııalyq maqsattaryna obektıvti baǵa berý maqsatynda, jáne Respýblıkalyq komıssııaǵa neǵurlym negizdelgen jáne baıypty sheshimder qabyldaýǵa kómektesedi. Motıvaııalyq hattaǵy negizgi aspektterdi anyqtaý tańdalǵan JOO-ny jáne onyń artyqshylyqtaryn sıpattaý, sondaı-aq stıpendııanyń qajettiliginiń sebepterin kórsetý úmitker men komıssııa arasynda maqsatty jáne syndarly dıalog ornatýǵa múmkindik beredi», – delingen qujatta.

Motıvaııalyq hat úmitkerdiń jeke maqsattaryn, onyń kásibı josparlary men oqýǵa degen yntasyn kórsetetin bolady dep kútilip otyr.

Úkimet qaýlysy «Ashyq NQA» portalynda 15 qarashaǵa deıin jarııa talqylaýda bolady.