«بولاشاق» ستەپەندياسىنا ۇمىتكەرلەردى ىرىكتەۋ ەرەجەسى جاڭارتىلدى

اتاپ ايتقاندا, ەرەجەلەر جاڭا رەداكتسيادا كورسەتىلگەن.

«بولاشاق» ستيپەندياسى اتاۋلى بولىپ تابىلادى جانە ونى «بولاشاق» ستيپەندياسىن تاعايىنداۋ ءۇشىن باسىم ماماندىقتار تىزبەسىنە سايكەس رەسپۋبليكالىق كوميسسيا:

• قازاقستان رەسپۋبليكاسى ازاماتتارىنىڭ شەتەلدىك جەتەكشى جوعارى وقۋ ورىندارىندا كۇندىزگى نىسان بويىنشا اكادەميالىق وقۋى;
• رەسپۋبليكالىق كوميسسيا ايقىندايتىن جۇمىسكەرلەر ساناتتارىنىڭ تاعىلىمدامادان ءوتۋى ماقساتىندا تاعايىندايدى.

«بولاشاق» ستيپەندياسى مىناداي ساناتتارعا تاعايىندالادى:

• اكادەميالىق وقۋعا ءوز بەتىنشە تۇسكەن نەمەسە تىزىمگە قوسىلعان شەتەلدىك جەتەكشى جوعارى وقۋ ورىندارىندا وقيتىن ماگيستر, فيلوسوفيا دوكتورى (PhD), بەيىنى بويىنشا دوكتور دارەجەسىن الۋعا, رەزيدەنتۋرادا وقۋعا ۇمىتكەرلەر;
• ماگيستر دارەجەسىن الۋعا اۋىلدىق ەلدى مەكەننەن شىققان ۇمىتكەرلەر;
• كونكۋرستىق ىرىكتەۋگە قاتىسۋ ءۇشىن قۇجات تاپسىرعان كەزدە ينجەنەرلىك-تەحنيكالىق جۇمىسكەر بولىپ تابىلاتىن ماگيستر دارەجەسىن الۋعا ۇمىتكەرلەر;
• كونكۋرستىق ىرىكتەۋگە قاتىسۋ ءۇشىن قۇجات تاپسىرعان كەزدە مەديتسينا ۇيىمدارىندا ەڭبەك قىزمەتىن جۇزەگە اسىراتىن جانە تىكەلەي مەديتسينالىق كومەك كورسەتەتىن, جوعارى مەديتسينالىق ءبىلىمى بار, جالپى مەديتسينالىق ءوتىلى كەمىندە 1 ء(بىر) جىل بولعان ادامدار (بۇدان ءارى – مەديتسينا جۇمىسكەرى) – مەديتسينالىق باعىتتاعى ماماندىقتار بويىنشا ماگيستر دارەجەسىن الۋعا ۇمىتكەرلەر;
• كونكۋرستىق ىرىكتەۋگە قاتىسۋ ءۇشىن قۇجات تاپسىرعان كەزدە مەملەكەتتىك قىزمەتتە كەمىندە 3 ء(ۇش) جىل جالپى جۇمىس ءوتىلى, ونىڭ ىشىندە جىبەرۋشى مەملەكەتتىك ورگاندا سوڭعى 12 (ون ەكى) اي جۇمىس ءوتىلى بار مەملەكەتتىك قىزمەتشى (مەملەكەتتىك ساياسي قىزمەتشىلەردى قوسپاعاندا) بولىپ تابىلاتىن ماگيستر دارەجەسىن الۋعا ۇمىتكەرلەر;
• كونكۋرستىق ىرىكتەۋگە قاتىسۋ ءۇشىن قۇجات تاپسىرعان كەزدە رەسپۋبليكالىق كوميسسيا ايقىنداعان جۇمىسكەرلەر ساناتىنا جاتاتىن, كەمىندە 3 ء(ۇش) جىل جالپى جۇمىس ءوتىلى, ونىڭ ىشىندە قۇجات تاپسىرعان كەزدە تاڭداعان ماماندىق بويىنشا سوڭعى 12 (ون ەكى) اي ءۇزىلىسسىز ناقتى جۇمىس ءوتىلى بار, جىل سايىنعى اقى تولەنەتىن ەڭبەك دەمالىسىن ەسكەرگەندە تالاپ ەتىلەتىن بۇكىل كەزەڭ ءۇشىن مىندەتتى زەينەتاقى اۋدارىمدارى راستالعان تاعىلىمدامادان وتۋگە ۇمىتكەرلەر.

«بولاشاق» ستيپەندياسىن تاعايىنداۋ بويىنشا ءىس-شارالار رەسپۋبليكالىق بيۋدجەت ەسەبىنەن جۇزەگە اسىرىلادى جانە وعان:

• ۇمىتكەرلەردىڭ قۇجاتىن قابىلداۋدى ۇيىمداستىرۋ مەن وتكىزۋ, ۇمىتكەرلەردى كونكۋرستىق نەگىزدە ىرىكتەۋدى ۇيىمداستىرۋ جونىندەگى ءىس-شارالار كەشەنىن جۇزەگە اسىرۋ;
• وقۋ, كەپىل جانە (نەمەسە) كەپىلدىك شارتتارىن جاساسۋ;
• ستيپەندياتتاردىڭ اكادەميالىق وقۋى مەن تاعىلىمدامادان ءوتۋىن ۇيىمداستىرۋ جانە مونيتورينگتەۋ;
• وقۋدى جانە تاعىلىمدامادان ءوتۋدى ۇيىمداستىرۋعا بايلانىستى شىعىستاردى قارجىلاندىرۋ;
• ستيپەندياتتاردىڭ قازاقستان رەسپۋبليكاسىنىڭ اۋماعىندا ەڭبەكپەن وتەۋ بولىگىندەگى شارت تالاپتارىن ورىنداۋىنا مونيتورينگ جۇرگىزۋ;
• حالىقارالىق ارىپتەستەرمەن, شەتەلدىك وقۋ ورىندارىمەن ستيپەندياتتاردى وقىتۋدى ۇيىمداستىرۋعا شارتتار جاساسۋ;
• «بولاشاق» ستيپەندياسى بويىنشا ءىس-شارالار كەشەنىن جۇزەگە اسىرۋ, ونىڭ ىشىندە «بولاشاق» ستيپەندياسى بويىنشا ءىس-شارالاردى اقپاراتتىق سۇيەمەلدەۋ جونىندە قىزمەتتەر كورسەتۋگە بايلانىستى شىعىستاردى تولەۋ;
• ۇمىتكەرلەر ءۇشىن كەشەندى تەستىلەۋدى وتكىزۋ بويىنشا قىزمەتتەرگە اقى تولەۋ;
• ۇمىتكەرلەرمەن دەربەس اڭگىمەلەسۋ وتكىزگەنى ءۇشىن تاۋەلسىز ساراپتامالىق كوميسسيا مۇشەلەرىنىڭ قىزمەتىنە اقى تولەۋ;
• قازاقستان رەسپۋبليكاسىنىڭ ۇكىمەتى ايقىندايتىن «بولاشاق» ستيپەندياسىن جۇمساۋ باعىتتارى (بۇدان ءارى – جۇمساۋ باعىتتارى) بويىنشا شىعىستاردى تولەۋ كىرەدى.