Jańalyqtar
«Bolashaq» stıpendııasy ıegerleriniń tizimi jarııalandy
Foto: depositphotos.com
Shetelde kadrlar daıarlaý jónindegi respýblıkalyq komıssııanyń sheshimimen 150 qazaqstandyq «Bolashaq» halyqaralyq stıpendııasynyń ıegerleri atandy, dep habarlaıdy Azattyq Rýhy.
120 adam – magıstratýra, 6 adam – doktorantýra baǵdarlamalary boıynsha oqýdan ótedi, al 24 qazaqstandyq álemniń jetekshi joǵary oqý oryndary men óndiristik ortalyqtaryna kásibı taǵylymdamadan ótýge jiberiledi.
Daıyndyqtyń basym baǵyttaryna erekshe nazar aýdaryldy-stıpendııalardyń úshten ekisinen astamy jaratylystaný-tehnıkalyq pánder boıynsha bólindi. Jeńildikti sanattar boıynsha 22 adam shetelde bilim alady.
Úmitkerler Harvard University, Imperial College London, University of Pennsylvania, University of Melbourne, Columbia University , Johns Hopkins University, University of Bristol sııaqty álemdik reıtıngterdiń toptaryna kiretin ýnıversıtetterge tústi. Eń tanymal mamandyqtar: aqparattyq tehnologııalar men júıeler, jasandy ıntellekt jáne kıberqaýipsizdik, kólik tehnologııalar jáne logıstıka, qoǵamdyq densaýlyq saqtaý, neonatologııa jáne hırýrgııa, úlken derekterdi taldaý, qurylys, geologııa jáne taý-ken isi, metallýrgııa, qarjy tehnologııasy, ýrbanıstıka jáne matematıka.
Ortalyq álemdik standarttarǵa sáıkes keletin mamandardy daıarlaýdyń joǵary sapasyn qamtamasyz etý úshin kandıdattardy konkýrstyq irikteýge erekshe nazar aýdarady.
«Qazaqstan Respýblıkasynyń Prezıdenti Qasym-Jomart Toqaevtyń Joldaýynda ǵylymı taǵylymdamalar boıynsha sapaly irikteýdi qamtamasyz etý qajettigi aıtyldy. Konkýrstyq irikteý proesi qaıta qaraldy, kandıdattarǵa qoıylatyn talaptar kúsheıtildi. Halyqaralyq baǵdarlamalar ortalyǵy ǵalymdardy qoldaýǵa arnalǵan bólek basqarmany qurdy, ol jeńildik sanattary boıynsha álemniń jetekshi ǵylymı ortalyqtarynan baılanys ornatýǵa jáne tegin shaqyrýlar alýǵa kómektesedi. Bul sharalar ǵylym men zertteýlerdi qoldaý jónindegi strategııalyq joba aıasynda ǵalymdarǵa tıimdirek qoldaýǵa múmkindik beredi», – dep atap ótti «Halyqaralyq baǵdarlamalar ortalyǵy» AQ Basqarma tóraǵasy Álııa Ospanova
Sondaı-aq, 33 qazaqstandyqqa álemniń jetekshi ǵylymı-zertteý ortalyqtarynda ekonomıka úshin asa mańyzdy baǵyttar boıynsha ǵylymı taǵylymdamadan ótýge granttar bólindi. Úmitkerler kelesideı jetekshi ýnıversıtetter men uıymdarda ǵylymı taǵylymdamadan ótedi: University of Oxford, King’s College London, University of California, Davis, University of Illinois at Urbana-Champaign, University of Minnesota, Twin Cities, CNRS, University of Sussex, Technische Universitat Dresden jáne t.b. Eń tanymal baǵyttar – ınjenerııa jáne tehnologııa, áleýmettik jáne jaratylystaný ǵylymdary, sondaı-aq medıına men densaýlyq saqtaý.
«Bolashaq» stıpendııasy ıegerleriniń tizimin myna siltemeden kóre alasyzdar.
