ءبىلىم
«بولاشاقتا وسىنداي بالالار قوعامعا زيانىن تيگىزەدى». ۇلت ۇستازىنىڭ بەينەسىن قورلاعان وقۋشى جالپاق جۇرتتى اشىندىردى
فوتو: سكرينشوت
الەۋمەتتىك جەلىدە ۇلت ۇستازى احمەت بايتۇرسىن ۇلىنىڭ بەينەسىنە قول جۇمساپ, ونى قۇلاتپاق بولعان وقۋشىعا قاتىستى بەينەكادر تارادى, دەپ حابارلايدى qandastar.kz Alash.kz ۇلتتىق پورتالىنا سىلتەمە جاساپ.
بەينەكادردا وقۋشى احمەت بايتۇرسىن ۇلىنىڭ بەينەسىن جۇدىرىقتاپ, ونى سىندىرادى.
تاراعان بەينەگە قاتىستى رەسمي اقپارات شىققان جوق. وقىرماندار بۇعان قاتىستى شاعىم ايتىپ جاتىر:
«ال ەندى وسىنداي بالالارعا ۇرسىپ مازالاسا مۇعالىمنىڭ باسى داۋعا قالادى. سوسىن مۇعالىمدەر ءجاي عانا ەسكەرتىپ قويا سالادى. بولاشاقتا وسىنداي بالالار سوسىن قوعامعا زيانىن تيگىزەتىن بولادى», «اتا-اناسىنا ءتىل تيگىزۋدەن اۋلاقپىن. بىراق بالاعا ۇلت زيالىلارى تۋرالى ايتپاق تۇگىل, مەكتەپتىڭ م ۇلىگىن بۇلدىرۋگە بولمايتىنى تۋرالى ەسكەرتپەگەن ەكەن», « ۇلى ۇستازدىڭ كىم ەكەنىن مەكتەپتىڭ مۇلكىن سىندىرماۋ تۋرالى ايتپادى دەيسىڭ بە? جوق, ۇنەمى ايتىلادى. الىپپەنى قولعا العاننان باستاپ قۇلاعىنا قۇيامىز. بىراق وسىنداي ساناسىز, تەكسىز ۇرپاق ءوسىپ كەلەدى. قارىنىڭ اشادى. ءبىلىپ تۇرىپ ىستەيدى عوي…» دەپ اشىندى وقىرماندار.
