قارجى جانە تولەمدەر
بولات نازارباەۆقا تيەسىلى بولعان زاۋىتتىڭ مۇلكى مەملەكەتكە ءوتتى
فوتو: اشىق دەرەككوز
مارقۇم بولات نازارباەۆقا تيەسىلى بولعان الماتى اۋىر ماشينا جاساۋ زاۋىتىنىڭ جىلجىمايتىن مۇلكى ءوز مەنشىگىنە قايتارىلدى. بۇل تۋرالى باس پروكۋراتۋرا حابارلادى, دەپ جازدى qandastar.kz
اقپاراتقا سايكەس, ولار – 97 گەكتار جەر مەن جالپى اۋماعى 80 مىڭ شارشى مەتردى قۇرايتىن 94 عيمارات.
بۇعان دەيىن الماتى قالاسىنىڭ پروكۋراتۋراسى زاۋىت مۇلكى زاڭسىز ساتىلعانىن انىقتاعان. سودان كەيىن مەملەكەتتىك م ۇلىك جانە جەكەشەلەندىرۋ كوميتەتى سوتقا مامىلەلەردى جارامسىز دەپ تانۋ تۋرالى شاعىم تاستاعان.
مالىمەت بوىنشا, سوت تالاپكەردىڭ تالابىن قاناعاتتاندىردى, اپەللياتسيالىق سوتى شەشىمدى كۇشىندە قالدىرعان.
ايتا كەتسەك, بولات نازارباەۆ زاۋىتتىڭ 31,9%-ى اكتسياسىن 2023 جىلدىڭ ناۋرىزىندا مەملەكەتكە قايتارعان ەدى. بۇل زاۋىت اكتسيالارىن ەكس-پرەزيدەنتتىڭ تۋعان باۋىرى زاڭسىز يەمدەنىلگەن اكتيۆ رەتىندە قايتاردى.
سونىمەن قاتار قاراساي اۋداندىق سوتى «بارىس» بازارى ورنالاسقان جەردى ساتۋ كەلىسىمشارتتارىن جارامسىز دەپ تاپتى. پروكۋرور جالپى كولەمى 35 گەكتاردان اساتىن جەر تەلىمدەرىن ساتۋ كەلىسىم-شارتتارىن جارامسىز دەپ تانۋدى تالاپ ەتكەن.
