جاڭالىقتار
بولات نازارباەۆتىڭ قول شوقپارى قوسپاەتىڭ سوتى جابىق ءوتىپ جاتىر
فوتو: Orda.kz
ەلدوس قوسپاەۆتىڭ ۇيىمداسقان قىلمىستىق توبىنا قاتىستى باستى سوت تالقىلاۋى استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا باستالدى. كوپشىلىككە بولات نازارباەۆتىڭ «وڭ قولى» رەتىندە تانىلعان قوسپاەۆتىڭ ءىسى رەسمي جانە بەيرەسمي سەبەپتەرگە بايلانىستى جابىق رەجيمدە قارالىپ جاتىر, دەپ حابارلايدى qandastar.kz Orda.kz-كە سىلتەمە جاساپ.
قىلمىستىق ورتادا «ادامجەگىش» لاقاپ اتىمەن تانىمال قوسپاەۆ 11 ادامنان تۇراتىن توپتى باسقارادى.
- ەلدوس قوسپاەۆ;
- ايدوس قوسپاەۆ;
- ايبەك قوسپاەۆ;
- ەرلان يماشەۆ;
- رۋسلان شالين;
- وكسانا كۋدرياشەۆا;
- تيمۋر تاناشەۆ;
- الەكسەي كۋزنەتسوۆ;
- داستان ابيجانوۆ;
- راۋان باباەۆ;
- اسار التىنباساروۆ.
كەيبىر دەرەككوزدەردە ايىپتالۋشىلاردىڭ سانى 12 ەكەنىن حابارلاسا دا, بۇل اقپاراتتى ناقتىلاۋ ازىرگە مۇمكىن ەمەس. سوت شەشىمى بويىنشا پروتسەسس جابىق وتەدى. سوتقا قاتىسۋشىلار قۇجاتتار مەن پروتسەسكە قاتىستى اقپاراتتارمەن بولىسە المايدى.
سوتتىڭ جابىق ءوتۋ سەبەبى ايىپتالۋشىلاردىڭ ءبىرى جىنىستىق قاتىناسقا قاتىستى قارسى قىلمىس جاسادى دەپ ايىپتالۋدا. بۇل تۋرالى استانا قالالىق سوتىنىڭ ءتورايىمى ايجان قۇلباەۆا باق-قا بەرگەن مالىمەسىندە حابارلادى. الدىن الا تىڭداۋلار بارىسىندا سوت جابىق پروتسەسس جۇرگىزۋ تۋرالى شەشىم قابىلدانعاندىعىن زارداپ شەككەن تاراپتىڭ وكىلى تالعات قۇستاۆلەتوۆ ايتتى.
زاڭگەرلەردىڭ مالىمەتىنشە, اتتارىن اتاي المايتىن ادۆوكاتتاردىڭ كوپشىلىگى ايىپتالۋشىلاردىڭ باستاپقىدا اشىق پروتسەسس بولعانىن قالاعانىن, بىراق الدىن الا تىڭداۋلار بارىسىندا وسى تالاپتان باس تارتقانىن ايتتى.
وسى ارادا استانادا قوسپاەۆ ءىسى توڭىرەگىندە كوزگە كورىنبەيتىن, بىراق وتە جاعىمسىز ارەكەتتەر بولىپ جاتىر. قالالىق سوتتىڭ ءباسپاسوز قىزمەتى بۇل ىسكە قاتىستى پىكىر بىلدىرۋدەن باس تارتتى. ولار ءىستىڭ جابىق ەكەنىن العا تارتىپ, اقپاراتتى جاريالاۋعا قۇقىقتارى جوق ەكەنىن مالىمدەدى.
ادۆوكاتتىق قاۋىمداستىق قوسپاەۆ ىسىنە قاتىستى اسا ساقتىق ءبىلدىرىپ وتىر. استانالىق قورعاۋشىلاردىن سوت ءىسىنىڭ كەز كەلگەن, ءتىپتى قۇپيا ەمەس اقپاراتاردى دا الۋ ازىرگە مۇمكىن ەمەس بولىپ وتىر. كەيبىرى بۇل ىسكە قاتىستى باق-قا سۇحبات بەرۋدەن ادۆوكاتتىق ليتسەنزيالارىن جوعالتىپ الۋ قورقىنىشىمەن باس تارتاتىنىن ايتتى.
تەرگەۋ مالىمەتتەرى بويىنشا, قوسپاەۆتىڭ ۇيىمداسقان قىلمىستىق توبى كاسىپكەرلەردىڭ مۇلكىن كۇشپەن جانە قورقىتۋ ارقىلى تارتىپ الىپ, كومپانيالارداعى ۇلەستەرىن يەمدەنىپ, كولەڭكەلى بيزنەسپەن اينالىسقان. تەرگەۋ بارىسىندا ۇيىمداسقان قىلمىستىق توپتىڭ قىلمىستىق جولمەن تابىلعان مۇلكىنە تىيىم سالىندى. اتاپ ايتار بولساق, 133 جىلجىمايتىن م ۇلىك, 11 جەر ۋچاسكەسى, 35 پرەميۋم-كلاسس ماشينا جانە 9 ميلليون اقش دوللارى.
ەلدوس جانە ايبەك قوسپاەۆتار, بولات نازارباەۆتىڭ قىزى قۇندىزبەن بىرگە AV Construction كومپانياسىنىڭ قۇرىلتايشىلارى تىزىمىندە بولعان. 2017 جىلعى 12 قازاندا الماس ابدىعاپپاروۆ بيزنەستى باسقارۋدى ءوز قولىنا الدى. سونىمەن قاتار, قۇرىلتايشىلار اراسىندا جاڭا تۇلعالار پايدا بولدى. 3 بۇرىنعى قۇرىلتايشىعا قوسپاەۆتىڭ تۋعان باۋىرى ايدوس, ابدىعاپپاروۆتىڭ اناسى ساۋلە جۇنىسبەكوۆا جانە گۇلزيحان بەيمىشەۆا قوسىلدى.
قوسپاەۆتىڭ ۇيىمداسقان قىلمىستىق توبى الماس ابدىعاپپاروۆتىڭ قۇرىلىس بيزنەسىن قالاي تارتىپ العانىن جانە ءوزىنىڭ تۇرمەدە قالاي وتىرعانى تۋرالى Orda.kz نەگىزىن قالاۋشىسى گۋلنارا باجكەنوۆاعا بەرگەن ەكسكليۋزيۆتى سۇحباتىندا ايتقان بولاتىن.
ەلدوس قوسپاەۆتىڭ ۇيىمداسقان قىلمىستىق توبىنا قاتىستى تەرگەۋ 2024 جىلعى 1 ناۋرىزدا اياقتالدى. سودان كەيىن ءىس ماتەريالدارىمەن تانىسۋ كەزەڭى باستالدى, ول 508 تومنان تۇردى.
ءىس استانا قالاسىنىڭ مامانداندىرىلعان اۋدانارالىق قىلمىستىق سوتىندا ءوتىپ جاتىر. الدىن الا تىڭداۋلار اياقتالىپ, نەگىزگى سوت پروتسەسىنىڭ باستالعانى ءمالىم بولدى. بۇگىن, 24 قىركۇيەكتە كۋالاردى سۇراۋ باستالادى.
