جاڭالىقتار
بولات نازارباەۆتىڭ قىزى 50 جاسىن دۇركىرەتىپ اتاپ ءوتتى
فوتو:Orda.kz
بولات نازارباەۆتىڭ قىزى, بۇرىنعى سۋديا گۇلميرا ابىشەۆا 50 جاس مەرەيتويىن ءسان-سالتاناتپەن دۇركىرەتىپ اتاپ ءوتتى, دەپ حابارلايدى qandastar.kz
23 شىلدە كۇنى گۇلميرا ابىشەۆا مەرەيتويىن جوعارى لاۋازىمدى ادامدار مەن ارتىستەردى شاقىرىپ, دۇركىرەتىپ اتاپ ءوتتى. بۇل تۋرالى ءانشى شاحمان دالداەۆ Instagram پاراقشاسىندا ايتتى.
كۋاگەرلەردىڭ ايتۋىنشا, مەرەيتويدا ءانشى شامحان دالداەۆ, الاتاۋ اۋدانى پب جانىنداعى وپ باسشىسىنىڭ ورىنباسارى اسەت كوپەشباەۆ, ونىڭ ارىپتەسى سامات بەرىستەموۆ, الماتىدان سۋديا سايدا بولات, سونداي-اق الماتى وبلىسى جامبىل اۋدانى اكىمىنىڭ ورىنباسارىنىڭ جۇبايى جانە باسقا دا قوناقتار بولعان.
Orda.kz جازعانداي, گۇلميرا ابىشەۆا ەكس-پرەزيدەنت نۇرسۇلتان نازارباەۆتىڭ ءىنىسى بولات نازارباەۆتىڭ ءبىرىنشى نەكەدەن تۋعان قىزى. ول باس پروكۋراتۋرادا جانە سوتتا جۇمىس ىستەگەن. سونىمەن قاتار, جەتىسۋ جانە قاراساي اۋداندىق سوتتارى مەن الماتى وبلىسىنداعى قاراساي اكىمشىلىك سوتىن باسقاردى.
