Áleýmet jáne qoǵam
Bolat О́temuratov qory kópbalaly otbasylarǵa 500 páter syılady
Foto: ashyq derekkóz
Qor bergen páterler «jaıly» sanatyna jatady. Sonymen qatar Astananyń zamanaýı turǵyn úı keshenderinde ornalasqan, dep jazady qandastar.kz Bolat О́temuratov qoryna silteme jasap habarlaıdy.
Bolat О́temuratov qory baspanaǵa muqtaj qazaqstandyqtar úshin Astana qalasynyń ákimdigine jalpy quny 10,5 mıllıard teńge bolatyn 500 páterdi óteýsiz tabystaý proesin aıaqtady. «Balameken» qaıyrymdylyq jobasy aıasynda jańa páterge ıe bolǵandar qatarynda dárigerler, muǵalimder, qutqarýshylar jáne bıýdjettik salanyń basqa da qyzmetkerleri bar.
Barlyq úıler jyldam lıftilermen, bet-álpetti taný júıesimen, jerasty avtoturaqtarymen jabdyqtalǵan jáne aýla aýmaǵy keń.
Astana qalasynyń ákimi Jeńis Qasymbek bul mańyzdy ári ýaqytyly qaıyrymdylyq jobasy úshin alǵysyn bildirdi.
«Bul bastama — bıznestiń áleýmettik jaýapkershiliginiń jáne qoǵam ıgiligi úshin jasalǵan yntymaqtastyqtyń jarqyn úlgisi. Azamattarymyzdyń ómir súrý jaǵdaıyn jaqsartýǵa qosqan úlesi úshin Bolat О́temuratov qoryna alǵysymyzdy bildiremiz», — dep atap ótti elorda ákimi.
Jańa páterge ıe bolǵan órt sóndirýshi Erlan Shaıhymov óz áserin bólisti.
«Mundaı páterdi alý – biz úshin naǵyz mereke. Men bes balanyń ákesimin, bul – biz úshin úlken qoldaý. Endi biz bolashaǵymyzǵa senimmen qarap, alańsyz ómir súre alamyz. Osyndaı múmkindik úshin alǵysymyz sheksiz», – dedi ol.
Bolat О́temuratov qorynyń «Balameken» qaıyrymdylyq jobasy 2019 jyly baspanaǵa muqtaj qazaqstandyqtardy turǵyn úımen qamtamasyz etý maqsatynda iske qosylǵan. Joba aıasynda Aqtóbe, Aqmola, Qyzylorda jáne Túrkistan oblystarynda shamamen 1 000 otbasy, onyń ishinde múmkindigi shekteýli jandar, kópbalaly otbasylar men tabıǵı apattardan zardap shekkender bar – bári de óz baspanasyna qol jetkizdi.
