«بومبا تۋرالى حابارلاما ءتۇستى»: الماتىداعى ساۋدا ورتالىقتارىنىڭ بىرىنەن ادامدار ەۆاكۋاتسيالاندى

فوتو: ۆيدەودان كادر

الماتىداعى «Aport Mall» ساۋدا ورتالىعىنا «بومبا قويىلدى» دەگەن حابارلاما جالعان بولىپ شىقتى, دەپ حابارلايدى Azattyq Rýhy  kris_p_almaty تەلەگرام كانالىنا سىلتەمە جاساپ.

الماتى وبلىسىنىڭ تجد ەلەكتروندى پوشتاسىنا 15:45-تە «Aport Mall» ساۋدا ورتالىعىنا بومبا قويىلعانى تۋرالى ءانونيمدى حابارلاما كەلىپ ءتۇستى.

«عيماراتتا بولعان 3,5 مىڭنان استام ادام شۇعىل تۇردە ەۆاكۋاتسيالاندى. وقيعا ورنىنا ساپەرلەر, كينولوگتار جانە باسقا دا ماماندار كەلىپ, بارلىق ورىنداردى مۇقيات تەكسەردى. تەكسەرۋ 19:20-دا اياقتالدى, اقپارات راستالمادى», – دەپ حابارلادى پوليتسيا.

تەرروريزم اكتىسى تۋرالى جالعان حابارلاما بەرگەنى ءۇشىن قىلمىستىق ءىس قوزعالدى. قازىرگى ۋاقىتتا ءانونيمدى حابار تاراتۋشى ىزدەستىرىلۋدە.