بوريس جاپاروۆ: اەس تالقىلاۋلارىندا ارانداتۋشىلىق بولماۋ كەرەك

فوتو: اشىق دەرەككوز

ەلىمىزدە اەس سالۋ ماسەلەسى بويىنشا جاريا تالقىلاۋلار جالعاسىپ جاتىر. جاقىندا 19-شى تالقىلاۋ الماتىدا ءوتتى, – دەپ حابارلايدى qandastar.kz.

جيىنعا اتوم سالاسىنىڭ ساراپشىلارى, مەملەكەتتىك ورگان ماماندارى, جەرگىلىكتى تۇرعىندار مەن ازاماتتىق سەكتوردىڭ وكىلدەرى قاتىستى.

اەس سالۋداعى ەڭ باستى قاجەتتىلىك – ەلەكتر ەنەرگياسى تاپشىلىعىن شەشۋ. جيىندا ءسوز العان ماماندار وسىلاي دەدى. سەبەبى, 2030 جىلعا قاراي قازاقستاندا قۋات جەتىسپەۋشىلىگى ساعاتىنا 13 ملرد كيلوۆاتتان اسۋى مۇمكىن.

جيىندا اەس قۇرىلىسىنا قاتىستى ءتۇرلى پىكىر ايتىلدى. ءتىپتى «قازاقستان حالقى اەس رەفەرەندۋمىنا قارسى» قاعازىن ۇستاعان بەلسەندىلەردىڭ ءبىرى ءسوز سويلەۋشىلەردىڭ ءسوزىن ءبولىپ, ورنىندا تۇرىپ ايقايلاي باستادى.

جاپاروۆ ودان ءىس-شارا ەرەجەلەرىن ساقتاۋدى سۇرادى, قاتىسۋشىلاردى قۇرمەتتەۋگە شاقىردى, اركىم ءسوز الاتىنىن اتاپ ءوتتى.

قازاقستان حالقى 20 ميلليون, بۇكىل حالىقتىڭ اتىنان سويلەۋگە سىزگە ەشكىم ماندات بەرگەن جوق. ارانداتۋشىلىقپەن اينالىسپاڭىز, مۇنداي ارەكەتتەردى جاساماڭىز. مەن دە قازاقستان حالقىمىن, – دەدى الماتى قالاسى قوعامدىق كەڭەسىنىڭ مۇشەسى بوريس جاپاروۆ.