Borıs Japarov: AES talqylaýlarynda arandatýshylyq bolmaý kerek

Foto: ashyq derekkóz

Elimizde AES salý máselesi boıynsha jarııa talqylaýlar jalǵasyp jatyr. Jaqynda 19-shy talqylaý Almatyda ótti, – dep habarlaıdy qandastar.kz.

Jıynǵa atom salasynyń sarapshylary, memlekettik organ mamandary, jergilikti turǵyndar men azamattyq sektordyń ókilderi qatysty.

AES salýdaǵy eń basty qajettilik – elektr energııasy tapshylyǵyn sheshý. Jıynda sóz alǵan mamandar osylaı dedi. Sebebi, 2030 jylǵa qaraı Qazaqstanda qýat jetispeýshiligi saǵatyna 13 mlrd kılovattan asýy múmkin.

Jıynda AES qurylysyna qatysty túrli pikir aıtyldy. Tipti «Qazaqstan halqy AES referendýmyna qarsy» qaǵazyn ustaǵan belsendilerdiń biri sóz sóıleýshilerdiń sózin bólip, ornynda turyp aıqaılaı bastady.

Japarov odan is-shara erejelerin saqtaýdy surady, qatysýshylardy qurmetteýge shaqyrdy, árkim sóz alatynyn atap ótti.

Qazaqstan halqy 20 mıllıon, búkil halyqtyń atynan sóıleýge sizge eshkim mandat bergen joq. Arandatýshylyqpen aınalyspańyz, mundaı áreketterdi jasamańyz. Men de Qazaqstan halqymyn, – dedi Almaty qalasy Qoǵamdyq keńesiniń múshesi Borıs Japarov.