Boryshty zeınetaqydan ustap qalýǵa tyıym salý. Úkimet nege buǵan qarsy?

Foto:informburo.kz

Mınıstrler kabıneti bul qadam bankterdiń zeınetkerlerge nesıe berýdi shekteýine ákeledi dep esepteıdi, dep jazdy qandastar.kz

Qazaqstanda boryshker jandardyń esepshotynan qaryzdy óndirip alý tájirıbesi qoldanylady. Biraq, Úkimet qaryzdy Memlekettik áleýmettik saqtandyrý qorynan tólenetin járdemaqylar men áleýmettik tólemderdi jáne taǵy basqany aýdarýǵa arnalǵan bank shottaryndaǵy aqshadan alýǵa tyıym salǵan. Bul qatarǵa zeınetaqy tólemderin qosý týraly májilis depýtattarynyń usynysyna premer-mınıstr Oljas Bektenov jaýap berdi.

Aıta keteıik, qazirgi tańda zeınetaqy bul jeńildikke ıe tólem túrlerine jatqyzylmaǵan. Áleýmettik kodekstiń 203-babyna sáıkes zeınetaqydan ustap qalý atqarýshylyq is júrgizý tártibimen júrgizilýi múmkin. Alaıda, zeınetaqydan ustap qalý tólemi 50 paıyzdan aspaýy kerek.

«Ulttyq banktiń ustanymy boıynsha, eger zeınetaqy tólemderin úshinshi tulǵalardyń óndirip alýynan tolyq qorǵaý engiziletin bolsa, onda zeınetkerlerge beriletin nesıelerdiń qaıtarylýyn qamtamasyz etýi qıynǵa soǵýy yqtımal. Osylaısha, bankter óz kezeginde atalǵan sanattaǵy azamattarǵa nesıe berýdi qatańdatý nemese ony toqtatýdy qarastyrý múmkin. Alaıda, bul osy bank ónimin paıdalanatyn zeınetkerler arasynda kelispeýshilik týǵyzady», – dep jaýap berdi Oljas Bektenov.

informburo.kz habarlaǵandaı, Premer-mınıstrdiń sózinshe, zeınetkerlerdiń qaryzyn keshirý barlyq qaryz alýshylardyń, onyń ishinde tóleý qabilettiligi bar azamattardyń narazylyǵyn týdyrýy, masyldyqtyń ósirip, kredıttik tártipke teris áser etýi múmkin.