Bostandyqqa shyqqan Qaırat Nurtas Alakólde qalaı demalyp jatqanyn kórsetti (vıdeo)

Qaırat Nurtas anasymen. Vıdeodan kadr: Instagram/kair_n

Jaqynda ǵana jazasyn ótep, bostandyqqa shyqqan Qaırat Nurtas áleýmettik jelige oraldy. О́ner ıesi Instagram-daǵy paraqshasynda vıdeo jarııalap, oqyrmandaryna Alakóldegi demalysy qalaı ótip jatqanyn kórsetti, dep jazady KAZ.NUR.KZ.

Qaırat Nurtas bostandyqqa shyqqan boıda inisiniń dúkeniniń ashylýyna baryp, tyńdarmandarymen qaıta qaýyshqan bolatyn. Merekelik shara aıaqtalǵan soń óner ıesi otbasymen birge demalyp qaıtýdy sheshken. Juldyzdy januıa Alakólge attanyp, búginde erekshe ýaqyt ótkizýde. Qaırat Nurtas abaqtydan shyqqan keıin alǵash ret jelide vıdeo jarııalap, kópshilikke demalysy qalaı ótip jatqanyn kórsetken. Beınejazbada ánshiniń jaǵalaýda turǵany men anasymen gıdroskýtermen kele jatqanyn kórýge bolady.

Aıta keteıik, 5 shildede otandyq estrada juldyzy Qaırat Nurtastyń ústinen is qozǵalǵany týraly aqparat tarady. Dál sol kúni halyqtyń súıikti ánshisine qatysty sot otyrysy ótti. Shoý-bıznes ókili ushaq bortynda usaq buzaqylyq jáne densaýlyqqa qasaqana jeńil zııan keltirgeni úshin kináli tanyldy. Oǵan 15 táýlikke qamaýǵa alý jazasy taǵaıyndaldy. 20 shildede ártistiń bostandyqqa shyqqany belgili boldy. Jelide Qaırat Nurtastyń abaqtydan shyqqan sátinen vıdeo jarııalandy.